Exodo 10:21 - Ang Pulong sa Dios

²¹ Unya miingon ang Ginoo kang Moises, “Ibayaw ang imong kamot ngadto sa langit aron matabonan sa hilabihan nga kangitngit ang tibuok Ehipto.”

Ang Biblia 2011

²¹ Unya ang Ginoo miingon kang Moises, “Ituy-od ang imong kamot paingon sa langit aron adunay kangitngit sa tibuok yuta sa Ehipto, kangitngit nga mabati.”

Maayong Balita Biblia

²¹ Ang Ginoo miingon kang Moises, “Iisa ang imong kamot ngadto sa langit aron maputos sa kangitngit ang tibuok Ehipto, usa ka kangitngit nga daw mahikap tungod sa kabaga niini.”

Ang Bag-ong Maayong Balita Biblia

²¹ Ang Ginoo miingon kang Moises, “Iisa ang imong kamot ngadto sa langit aron maputos sa kangitngit ang tibuok Ehipto, usa ka kangitngit nga daw mahikap tungod sa kabaga niini.”

Exodo 10:21 Cross References

Job 5:14

Mangitngitan sila bisag adlawng dako, ug magpangapkap sila bisag udtong tutok.

Salmo 105:28

Gipangit-ngit sa Dios ang Ehipto; apan misupak gihapon ang mga taga-Ehipto sa iyang mga sugo.

Salmo 35:6

Mongitngit unta ug modanlog ang ilang mga agianan sa dihang gukdon sila sa imong anghel.

Salmo 78:49

Tungod sa iyang labihan nga kasuko kanila, gipadad-an niya sila ug mga anghel sa paglaglag kanila.

Exodo 7:19

Miingon pa gayod ang Ginoo kang Moises, “Ingna si Aaron nga kuhaon ang iyang baston ug ipunting ngadto sa mga katubigan sa Ehipto: sa mga suba, sapa, kanal, ug sa tanang pundohanan ug tubig, ug mahimo kining tanan nga dugo. Mao kini ang mahitabo sa tibuok Ehipto. Apil ang tubig sa mga sudlanan nga kahoy ug bato mahimo usab nga dugo.”

Exodo 9:22

Unya miingon ang Ginoo kang Moises, “Ibayaw ang imong baston sa langit aron moulan ug yelo sa tibuok Ehipto ngadto sa mga tawo, sa mga kahayopan, ug sa tanang tanom.”

Mga Panultihon 4:19

Apan ang pagkinabuhi sa mga daotan daw sama sa kangitngit, ug wala sila masayod kon unsa ang hinungdan sa ilang pagkalaglag.

Ecclesiastes 2:14

Ang tawong maalamon makakita sa iyang padulngan, apan ang buang-buang wala masayod kon asa siya padulong. Apan nasuta ko nga usa ray ilang dangatan.

Ecclesiastes 6:4

Kon namatay pa siya sa iyang pagkahimugso, mahanaw na unta siya ug dili na mahinumdoman pa.

Ezequiel 32:7

Kon wagtangon ko na ikaw, salipdan ko sa mga panganod ang langit, busa dili na mohayag ang mga bitoon, ang adlaw, ug ang bulan.

Mateo 27:45

Gikan sa alas dose sa udto, mingitngit ang kalibotan sulod sa tulo ka oras.

Marcos 15:33

Sa dihang miabot ang alas dose sa udto, mingitngit ang kalibotan hangtod alas tres.

Lucas 23:44

Sa mga alas dose na sa udto, wala na mosidlak ang adlaw. Mingitngit ang tibuok kalibotan sulod sa tulo ka oras. Ang tabil sa templo napikas gikan sa ibabaw paubos.

Deuteronomio 1:30

Ang Ginoo nga inyong Dios mag-una kaninyo ug mao mismo ang makig-gira alang kaninyo, sama sa inyong nakita nga iyang gihimo didto sa Ehipto

Deuteronomio 28:29

Sama sa buta mangapkap kamo bisan adlaw. Dili kamo magmauswagon bisan unsay inyong pagabuhaton. Kanunay kamong daog-daogon ug kawatan, ug walay motabang kaninyo.

Deuteronomio 4:34

Aduna bay laing dios nga nangahas sa pagkuha sa usa ka pundok sa katawhan gikan sa usa ka nasod aron mahimong iya pinaagi sa mga pagsulay, milagro, katingalahang mga butang, gira, kahibulongang gahom, o gamhanang mga buhat? Apan mao kana ang gihimo sa Ginoo nga inyong Dios didto sa Ehipto, ug kamo mismo nakakita niini.

2 Pedro 2:17

Kining mini nga mga magtutudlo nahisama sa mga tuboran nga nahubsan ug sa mga panganod nga gipalid sa kusog nga hangin. Busa gitagana na sa Dios alang kanila ang lugar nga mangitngit kaayo.

2 Pedro 2:4

Wala gani kaloy-i sa Dios ang mga anghel nga nagpakasala kaniadto. Gipriso hinuon sila sa lawom ug mangiob nga bung-aw, ug atua sila didto hangtod sa adlaw sa paghukom.

Judas 1:13

Sama sila sa kusog nga balod, ug ingon nga makita ang bula nga mogawas sa mga balod, makita usab ang ilang mga makauulaw nga binuhatan. Sama sila sa mga bitoon nga nahisalaag. Busa adunay lugar nga mangitngit kaayo nga gitagana alang kanila. Ug didto sila sa walay kataposan.

Judas 1:6

Hinumdomi usab ninyo ang mga anghel nga wala magpabilin sa ilang naandang katungdanan, ug mibiya hinuon sa ilang puloy-anan. Mao kadto nga gipagapos sila sa Dios sa mga kadena nga dili mabugto ug gibilanggo sa lawom ug mangiob nga dapit hangtod nga moabot ang adlaw nga hukman sila sa Dios.

Gipadayag 8:12

Ug ang ikaupat nga anghel mipatingog sa iyang trumpeta, ug ang nahitabo, naigo ang ikatulong bahin sa adlaw, ang ikatulong bahin sa bulan, ug ang ikatulong bahin sa mga bitoon, ug nawala ang ikatulong bahin sa ilang kahayag. Busa mingitngit ang ikatulong bahin sa adlaw ug ang ikatulong bahin sa gabii.