Exodo 10:13 - Ang Pulong sa Dios

¹³ Busa gipunting ni Moises ang iyang baston, ug nagpadala ang Ginoo ug hangin nga gikan sa sidlakan tibuok adlaw ug gabii. Pagkabuntag nagdala ang hangin ug mga dulon

Ang Biblia 2011

¹³ Busa gituy-od ni Moises ang iyang sungkod sa ibabaw sa yuta sa Ehipto ug ang Ginoo mipadala ug usa ka hangin sa silangan ngadto sa kayutaan niadtong tibuok adlaw ug tibuok gabii. Sa pagkabuntag na, ang hangin sa silangan nagdala ug mga dulon.

Maayong Balita Biblia

¹³ Busa giisa ni Moises ang iyang sungkod ug gipahuros sa Ginoo ang hangin sa silangan sa yuta sa Ehipto nianang adlawa ug nianang gabhiona. Pagkabuntag gidala sa hangin ang mga dulon.

Ang Bag-ong Maayong Balita Biblia

¹³ Busa giisa ni Moises ang iyang sungkod ug gipahuros sa Ginoo ang hangin sa silangan sa yuta sa Ehipto nianang adlawa ug nianang gabhiona. Pagkabuntag gidala sa hangin ang mga dulon.

Exodo 10:13 Cross References

Genesis 41:6

Ug sa mao gihapong punoan, misubol ang laing pito ka mga uhay nga niwang ug nanguyos tungod sa kainit sa hangin gikan sa sidlakan.

Salmo 105:34

Sa iyang pagmando, miabot ang mga dulon nga dili maihap sa kadaghan.

Salmo 148:8

mga kilat, ulan nga ice, snow, mga panganod, makusog nga hangin nga nagtuman sa iyang sugo,

Salmo 78:26

Gipahuyop sa Dios ang hangin nga gikan sa sidlakan ug sa habagatan pinaagi sa iyang gahom.

Salmo 78:46

Gipakaon niya sa mga dulon ang ilang mga tanom ug mga abot.

Exodo 14:21

Unya giisa ni Moises ang iyang kamot ibabaw sa dagat, ug natunga ang dagat pinaagi sa makusog nga hangin nga gipadala sa Ginoo gikan sa sidlakan. Tibuok gabii nga kusog ang hangin hangtod nga mimala ang yuta taliwala sa dagat.

Mga Panultihon 30:27

ang mga dulon, bisan ug wala silay pangulo, mag-usa sila paglupad,

Jonas 1:4

Sa dihang naglawig na sila, nagpadala ang  Ginoo ug kusog nga hangin sa dagat. Kusog ang unos hangtod nga murag maguba na ang barko.

Jonas 4:8

Sa dihang misidlak na ang adlaw, nagpadala ang Dios ug init nga hangin gikan sa sidlakan. Nainitan ang ulo ni Jonas ug daw malipong siya. Busa nangandoy na lang siya nga mamatay. Miingon siya, “Mas maayo pa nga mamatay na lang ko kaysa mabuhi.”

Mateo 8:27

Natingala gayod ang iyang mga tinun-an ug miingon sila, “Unsa ba kining tawhana nga bisan ang hangin ug ang mga balod motuman man kaniya?”