Ester 9:18 - Ang Pulong sa Dios

¹⁸ (Apan sa Susa, duha ka adlaw ang ilang gihimong pagpamatay sa ilang mga kaaway, sa ika-13 ug sa ika-14 nga adlaw. Ug sa ika-15 nga adlaw, namahulay sila ug nagkombira sa kalipay.)

Ang Biblia 2011

¹⁸ Apan ang mga Judio nga didto sa Susa nagtigom sa ikanapulog tulo nga adlaw ug sa ikanapulog upat, ug sa ikanapulog lima nga adlaw sa maong bulan sila namahulay ug gihimo kini nga usa ka adlaw sa pagsaulog ug paglipay.

Maayong Balita Biblia

¹⁸ Ang mga Judio sa Susa nagtigom sa ika-13 ug ika-14 nga adlaw ug namahulay sila sa ika-15 nga adlaw sa maong bulan sa Adar. Gihimo nila kining adlawa nga usa ka adlaw sa kasaulogan ug kasadya.

Ang Bag-ong Maayong Balita Biblia

¹⁸ Ang mga Judio sa Susa nagtigom sa ika-13 ug ika-14 nga adlaw ug namahulay sila sa ika-15 nga adlaw sa maong bulan sa Adar. Gihimo nila kining adlawa nga usa ka adlaw sa kasaulogan ug kasadya.

Ester 9:18 Cross References

Ester 8:11

Pinaagi niadtong sulata, gitugotan ni Haring Ahasuerus ang mga Judio sa matag siyudad nga maghiusa sa pagpanalipod sa ilang kaugalingon ug sa mga babaye ug mga kabataan. Mahimo nilang patyon si bisan kinsa nga mosulong kanila gikan sa bisan unsa nga nasod o probinsya. Ug mahimo usab nilang kuhaon ang mga kabtangan sa ilang mga kaaway.

Ester 9:1

Miabot ang ika-13 nga adlaw sa ika-12 nga bulan, nga mao ang bulan sa Adar. Mao na kini ang adlaw nga ipatuman ang mando sa hari. Nianang adlawa nagtuo ang mga kaaway sa mga Judio nga malupig nila ang mga Judio. Apan sukwahi ang nahitabo; gipildi sa mga Judio ang ilang mga kaaway.

Ester 9:11

Niana mismong adlawa, gisuginlan ang hari sa gidaghanon sa gipamatay didto sa siyudad sa Susa.

Ester 9:13

Miingon si Ester, “Kon mouyon ka, Mahal nga Hari, tugoti ang mga Judio dinhi sa Susa sa pagpanalipod pag-usab sa ilang kaugalingon ugma, sama sa ilang gihimo karon. Ug ipabitay sa kahoy ang mga patayng lawas sa napulo ka anak ni Haman.”

Ester 9:15

Pagkabuntag, sa ika-14 nga adlaw sa bulan sa Adar, nagtigom pag-usab ang mga Judio sa Susa, ug 300 ka tawo ang ilang napatay. Apan wala nila kuhaa ang kabtangan sa ilang mga kaaway.

Ester 9:2

Kay nianang adlawa, nagtigom ang mga Judio sa mga lungsod sa ilang tagsa-tagsa ka dapit, sa tanang probinsya nga sakop ni Haring Ahasuerus, aron pamatyon kinsa nga mosulong kanila. Walay nakasukol kanila tungod kay nahadlok kanila ang tanang katawhan.

Ester 9:21

Niini nga sulat, gipahimangnoan ni Mordecai ang mga Judio nga magsaulog sila sa ika-14 ug ika-15 nga adlaw sa bulan sa Adar matag tuig,