Ester 9:16 - Ang Pulong sa Dios

^16-17 Nagtigom usab ang mga Judio nga didto sa nagkalain-laing mga probinsya sa gingharian aron sa pagpanalipod ug pagluwas sa ilang kaugalingon gikan sa ilang mga kaaway. Nakapatay sila ug 75,000 ka tawo, apan wala nila kuhaa ang kabtangan sa ilang mga kaaway. Nahitabo kini sa ika-13 nga adlaw sa bulan sa Adar, ug pagkasunod nga adlaw nga mao ang ika-14, namahulay sila ug nagkombira sa kalipay.

Ang Biblia 2011

¹⁶ Ug ang ubang mga Judio nga diha sa mga lalawigan sa hari nagtigom aron sa pagpanalipod sa ilang kaugalingon ug nakapahulay gikan sa ilang mga kaaway, ug nakapatay sila ug 75,000 sa mga nagdumot kanila apan wala sila manghilabot sa mga kabtangan.

Maayong Balita Biblia

¹⁶ Ang ubang mga Judio nga didto sa mga lalawigan sa hari nagtigom usab ug nanalipod sa ilang kinabuhi ug napatay nila ang 75,000 sa ilang mga kaaway apan wala sila manghilabot sa kabtangan.

Ang Bag-ong Maayong Balita Biblia

¹⁶ Ang ubang mga Judio nga didto sa mga lalawigan sa hari nagtigom usab ug nanalipod sa ilang kinabuhi ug napatay nila ang 75,000 sa ilang mga kaaway apan wala sila manghilabot sa kabtangan.

Ester 9:16 Cross References

Genesis 34:27

Pagkahuman, gisulod usab sa uban pa nga mga anak ni Jacob ang lungsod ug gipanguha ang mga kabtangan. Gibuhat nila kini tungod kay gipanamastamasan ang pagkababaye sa ilang igsoon nga si Dina.

Ester 8:11

Pinaagi niadtong sulata, gitugotan ni Haring Ahasuerus ang mga Judio sa matag siyudad nga maghiusa sa pagpanalipod sa ilang kaugalingon ug sa mga babaye ug mga kabataan. Mahimo nilang patyon si bisan kinsa nga mosulong kanila gikan sa bisan unsa nga nasod o probinsya. Ug mahimo usab nilang kuhaon ang mga kabtangan sa ilang mga kaaway.

Ester 9:2

Kay nianang adlawa, nagtigom ang mga Judio sa mga lungsod sa ilang tagsa-tagsa ka dapit, sa tanang probinsya nga sakop ni Haring Ahasuerus, aron pamatyon kinsa nga mosulong kanila. Walay nakasukol kanila tungod kay nahadlok kanila ang tanang katawhan.

Salmo 149:7

sa pagpanimalos ug pagsilot sa mga katawhan sa mga nasod,

Salmo 37:15

Apan sila mismo ang matuhog sa ilang mga espada, ug ang ilang mga pana mangabali.