Ester 9:12 - Ang Pulong sa Dios

¹² Ug miingon ang hari kang Rayna Ester, “Sa Susa lang, 500 ang napatay sa mga Judio, ug gipamatay usab nila ang napulo ka anak ni Haman. Unsa kahay nahitabo sa ubang mga probinsya? Karon, unsa pa gayoy imong pangayoon kay ihatag ko kanimo.”

Ang Biblia 2011

¹² Ug ang hari miingon kang Rayna Ester, “Ang mga Judio nakapatay ug 500 ka tawo didto sa Susa nga mao ang ulohang siyudad ug lakip ang napulo ka anak nga lalaki ni Haman. Unsa man diay ang ilang gibuhat sa nahibilin sa mga lalawigan sa hari! Karon unsa man ang imong hangyo? Kini ihatag kanimo. Ug unsa pa gayod ang imong pangayoon? Kini matuman.”

Maayong Balita Biblia

¹² Ug miingon ang hari kang Rayna Ester, “Dinhi sa Susa, ang mga Judio nakapatayg 500 ka lalaki lakip ang napulo ka anak ni Haman. Unsa kahay ilang nabuhat sa ubang mga lalawigan? Karon, unsa may imong pangayoon kay ihatag ko kini kanimo?”

Ang Bag-ong Maayong Balita Biblia

¹² Ug miingon ang hari kang Rayna Ester, “Dinhi sa Susa, ang mga Judio nakapatayg 500 ka lalaki lakip ang napulo ka anak ni Haman. Unsa kahay ilang nabuhat sa ubang mga lalawigan? Karon, unsa may imong pangayoon kay ihatag ko kini kanimo?”

Ester 9:12 Cross References

Ester 5:3

Nangutana ang hari kaniya, “Unsay imong tuyo, Mahal nga Rayna? Isulti lang kay ihatag ko kanimo bisan pa ang katunga sa akong gingharian.”

Ester 5:6

Ug samtang nag-inom sila ug bino, nangutana ang hari kang Ester, “Unsa ba gayod ang imong tuyo? Isulti lang kay ihatag ko kanimo bisan ang katunga sa akong gingharian.”

Ester 7:2

Samtang nag-inom sila ug bino niining ikaduhang higayon, nangutana pag-usab ang hari kang Rayna Ester, “Unsa ba gayod ang imong tuyo? Isulti lang kay ihatag ko kanimo bisan ang katunga pa sa akong gingharian.”

Ester 9:11

Niana mismong adlawa, gisuginlan ang hari sa gidaghanon sa gipamatay didto sa siyudad sa Susa.

Ester 9:15

Pagkabuntag, sa ika-14 nga adlaw sa bulan sa Adar, nagtigom pag-usab ang mga Judio sa Susa, ug 300 ka tawo ang ilang napatay. Apan wala nila kuhaa ang kabtangan sa ilang mga kaaway.

Mga Buhat 23:19

Gikuptan sa komander ang kamot sa batan-on ug gidala niya sa lugar nga dili sila madunggan sa uban. Dayon gipangutana niya kini, “Unsa bay imong isulti kanako?”