Ester 8:8 - Ang Pulong sa Dios

⁸ Karon, pagsulat kamog usa ka sugo nga makaayo alang kaninyong mga Judio. Isulat ninyo kini sa akong ngalan, ug unya silyohi sa akong singsing. Kay ang bisan unsa nga kasulatan nga gisulat sa ngalan sa hari ug gisilyohan sa iyang singsing dili na gayod mausab pa.”

Ang Biblia 2011

⁸ Ug mahimong magsulat kamo sumala sa makapahimuot kaninyo mahitungod sa mga Judio sa ngalan sa hari, ug silyohi kini sa singsing sa hari kay ang balaod nga nasulat sa ngalan sa hari ug gisilyohan sa singsing sa hari dili mabakwi.”

Maayong Balita Biblia

⁸ Ug mahimo nimo ang pagsulat sa gusto nimo bahin sa mga Judio sa ngalan sa hari ug pagsilyo niini sa singsing sa hari kay ang kasugoan nga nasulat ug nasilyohan sa singsing sa hari dili na mabakwi.”

Ang Bag-ong Maayong Balita Biblia

⁸ Ug mahimo nimo ang pagsulat sa gusto nimo bahin sa mga Judio sa ngalan sa hari ug pagsilyo niini sa singsing sa hari kay ang kasugoan nga nasulat ug nasilyohan sa singsing sa hari dili na mabakwi.”

Ester 8:8 Cross References

1 Mga Hari 21:8

Busa nagsulat si Jezebel sa ngalan ni Ahab. Gisilyohan niya kini sa silyo sa hari, ug gipadala sa mga tigdumala ug sa uban pang mga opisyal sa lungsod diin nagpuyo si Nabot.

Ester 1:19

“Busa kon mouyon ka, Mahal nga Hari, paghimo ug usa ka sugo nga nag-ingon nga kinahanglan dili na gayod magpakita kanimo si Rayna Vasti, ug ang iyang katungdanan ingon nga rayna ihatag ngadto sa uban nga mas maayo pa kaniya. Ipasulat kini nga sugo ug i-apil sa mga balaod sa Persia ug Media nga dili gayod mausab.

Ester 3:12

Busa sa ika-13 nga adlaw sa unang bulan, gipatawag ni Haman ang mga sekretaryo sa hari. Gipahimo niya sila ug sulat alang sa mga gobernador, mga pangulo, ug mga opisyal sa kada probinsya sa gingharian sumala sa ilang mga pinulongan. Gisulat kini sa ngalan ni Haring Ahasuerus, gisilyohan sa iyang singsing,

Ester 8:10

Gipasulat kini ni Mordecai sa ngalan ni Haring Ahasuerus, ug gisilyohan sa singsing sa hari. Pagkahuman gipadala dayon niya ang mga sulat sa mga mensahero nga nagsakay sa tulin nga mga kabayo sa hari.

Ester 8:5

“Kon tinuod nga nalipay ka kanako, Mahal nga Hari, ug ikahimuot mo ang pagtabang kanako, ug kon mouyon ka, pagpasulat ug usa ka sugo sa pagbakwi sa mando ni Haman nga anak ni Hamedata nga Agagnon nga pamatyon ang mga Judio sa tibuok gingharian.

Daniel 6:8

Busa, Mahal nga Hari, ipatuman kini nga balaod. Ipasulat kini ug unya pirmahi aron dili na mausab o mahimong bakwion pa sumala sa balaod sa Media ug Persia.”

2 Timoteo 2:19

Apan bisan pa niana, lig-on gihapon ang patukoranan nga gipahimutang sa Dios, tungod kay adunay nasulat nga nag-ingon, “Nailhan sa Ginoo ang iyang katawhan.” Ug “Ang matag-usa nga nag-ingon nga siya iya sa Ginoo angay gayod nga mobiya sa bisan unsa nga daotan.”