Ester 8:5 - Ang Pulong sa Dios

⁵ “Kon tinuod nga nalipay ka kanako, Mahal nga Hari, ug ikahimuot mo ang pagtabang kanako, ug kon mouyon ka, pagpasulat ug usa ka sugo sa pagbakwi sa mando ni Haman nga anak ni Hamedata nga Agagnon nga pamatyon ang mga Judio sa tibuok gingharian.

Ang Biblia 2011

⁵ Busa si Ester mitindog ug mibarog sa atubangan sa hari. Ug siya miingon, “Kon kini nakapahimuot sa hari ug kon ako nakakaplag ug kahimuot diha sa iyang panan-aw, ug kon ang maong butang daw matarong sa atubangan sa hari, ug ako nakapahimuot sa iyang mga mata, ipasulat ang usa ka mando sa pagbakwi sa mga sulat nga gimugna ni Haman nga Agaghanon nga anak ni Hamedata, nga iyang gisulat aron sa paglaglag sa mga Judio nga anaa sa tanang mga lalawigan sa hari.

Maayong Balita Biblia

⁵ ug mitindog si Ester atubangan sa hari ug miingon, “Kon nakapahimuot ako kanimo, Mahal nga Hari, ug giisip mo kini nga husto, ipakanaog ang sugo aron pagbawi sa kasugoan ni Haman nga kaliwat ni Agag, anak ni Hamedata, sa pagpuo sa mga Judio nga nagpuyo sa mga lalawigan nga sakop sa gingharian.

Ang Bag-ong Maayong Balita Biblia

⁵ ug mitindog si Ester atubangan sa hari ug miingon, “Kon nakapahimuot ako kanimo, Mahal nga Hari, ug giisip mo kini nga husto, ipakanaog ang sugo aron pagbawi sa kasugoan ni Haman nga kaliwat ni Agag, anak ni Hamedata, sa pagpuo sa mga Judio nga nagpuyo sa mga lalawigan nga sakop sa gingharian.

Ester 8:5 Cross References

Ester 2:17

Si Ester ang nagustohan sa hari labaw sa tanang mga babaye nga gidala kaniya. Nalipay kaayo siya kang Ester, ug giayo niya siya pag-atiman. Gikoronahan niya kini ug gihimong rayna puli kang Vasti.

Ester 2:4

Unya ang dalaga nga imong magustohan maoy imong ipuli kang Vasti isip rayna.” Nakauyon ang hari sa giingon kaniya, busa gisunod niya kini.

Ester 3:1

Human niadtong hitaboa, gipatas-an ni Haring Ahasuerus ang ranggo ni Haman nga anak ni Hamedata nga Agagnon. Gihatagan sa hari si Haman sa labing taas nga katungdanan sa iyang gingharian.

Ester 5:8

Kon tinuod nga nalipay ka kanako ug ikahimuot mo ang paghatag sa akong pangayoon, dapiton ko kamo pag-usab ni Haman sa panihapon nga andamon ko alang kaninyo ugma. Ug unya isulti ko ang akong hangyo kanimo.”

Ester 7:3

Mitubag si Rayna Ester, “Kon tinuod nga nalipay ka kanako ug ikahimuot mo ang paghatag sa akong pangayoon, Mahal nga Hari, luwasa ako ug ang akong katawhan. Mao kini ang akong hangyo kanimo.

Exodo 33:13

Kon tinuod nga nalipay ka kanako, tudloi ako sa imong mga pamaagi aron makaila ako kanimo ug aron malipay pa gayod ikaw kanako. Hinumdomi nga kining nasora imong katawhan.”

Exodo 33:16

Kay unsaon man pagkasayod sa uban nga nalipay ka kanako ug sa imong katawhan kon dili mo kami ubanan? Ug unsaon nila pagkasayod nga pinasahi kami nga katawhan kaysa ubang katawhan sa kalibotan?”

1 Samuel 20:29

Miingon siya, ‘Gisugo ako sa akong mga igsoon nga mouban gayod ako sa among pamilya sa paghalad ug gusto ko usab nga makita ang akong mga igsoon.’ Mao kana nga dili ninyo siya kauban sa pagpangaon.”