Ester 6:9 - Ang Pulong sa Dios

⁹ Ug unya ingna ang usa sa imong mga opisyal nga taas ug ranggo nga pasul-oban niya ang maong tawo sa harianong bisti ug ipasakay sa imong kabayo. Unya ilibot niya kini sa siyudad. Ug samtang naglibot sila, mosinggit ang mga opisyal, ‘Mao kini ang buhaton ngadto sa tawo nga gusto sa hari nga pasidunggan.’ ”

Ang Biblia 2011

⁹ ug ipahatod ang bisti ug ang kabayo ngadto sa usa sa mga labawng halangdon nga mga pangulo sa hari. Pagiyahi kaniya ang tawo nga gikahimut-an sa hari pagpasidungog ug pamandoi kaniya ang tawo nga nagsakay sa kabayo agi sa hawan sa siyudad nga magmantala sa iyang atubangan, ‘Mao kini ang buhaton ngadto sa tawo nga gikahimut-an sa hari sa pagpasidungog.’ ”

Maayong Balita Biblia

⁹ Kinahanglan nga usa gayod sa mga sinaligan ang magsul-ob kaniya sa harianong bisti ug siya usab maoy mangunay paggiya sa maong tawo nga magkabayo sa kabayo sa hari latas sa hawanan sa siyudad. Samtang sila maglakaw, ang maong opisyal magpunayg singgit: ‘Mao kini ang mahitabo sa tawo nga buot pasidunggan sa hari.’”

Ang Bag-ong Maayong Balita Biblia

⁹ Kinahanglan nga usa gayod sa mga sinaligan ang magsul-ob kaniya sa harianong bisti ug siya usab maoy mangunay paggiya sa maong tawo nga magkabayo sa kabayo sa hari latas sa hawanan sa siyudad. Samtang sila maglakaw, ang maong opisyal magpunayg singgit: ‘Mao kini ang mahitabo sa tawo nga buot pasidunggan sa hari.’”

Ester 6:9 Cross References

Genesis 41:43

Gipasakay niya si Jose sa iyang ikaduhang karwahi, ug adunay mga tigpahibalo nga gauna kaniya ug nagsinggit, “Yukbo-i ninyo ang gobernador!” Busa sukad niadto nahimong gobernador si Jose sa tibuok Ehipto.

Ester 6:10

Miingon ang hari kang Haman, “Sige, kuhaa dayon ang akong bisti ug kabayo, ug himoa ang tanan mong gisulti ngadto kang Mordecai, ang Judio nga anaa maglingkod sa pultahan sa akong palasyo. Siguroha nga matuman ang tanan mong gisulti.”

Ester 6:6

Pagsulod ni Haman nangutana ang hari kaniya, “Unsay maayo kong buhaton alang sa tawo nga gusto kong pasidunggan?” Abi ni Haman ug siyay gipasabot sa hari,

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.