Ester 6:3 - Ang Pulong sa Dios

³ Nangutana ang hari, “Unsay gihimo aron sa pagpasidungog kang Mordecai niining iyang maayong gihimo kanako?” Mitubag ang mga sulugoon, “Wala gayod, Mahal nga Hari.”

Ang Biblia 2011

³ Ug ang hari miingon, “Unsang pasidungog o kahalangdon ang gihatag kang Mardoqueo alang niini?” Unya ang mga alagad sa hari nga nag-alagad kaniya miingon, “Walay nabuhat alang kaniya.”

Maayong Balita Biblia

³ Unya miingon ang hari, “Unsa may gipasidungog kang Mardoqueo niining iyang gibuhat?” Ang mga opisyal sa hari miingon, “Wala.”

Ang Bag-ong Maayong Balita Biblia

³ Unya miingon ang hari, “Unsa may gipasidungog kang Mardoqueo niining iyang gibuhat?” Ang mga opisyal sa hari miingon, “Wala.”

Ester 6:3 Cross References

Genesis 40:23

Apan wala gayod mahinumdomi sa pangulo sa mga tigsilbi ug bino si Jose.

1 Cronicas 11:6

Sa wala pa kini mahitabo miingon si David, “Ang unang mosulong sa mga Jebusihanon mahimong komander sa mga sundalo.” Si Joab nga anak ni Zeruya ang miuna sa pagsulong, busa siya ang nahimong komander.

Ester 6:2

Nabasa ang nasulat sa maong libro bahin sa pagsugilon ni Mordecai sa plano nila ni Bigtana ug Teresh nga patyon si Haring Ahasuerus. Kini si Bigtana ug Teresh mga alagad sa hari, nga mga tigbalantay kaniadto sa pultahan sa kuwarto sa hari.

Ester 6:4

Nianang higayona nagpadulong si Haman sa sulod nga hawanan sa palasyo aron paghangyo sa hari nga bitayon si Mordecai sa bitayanan nga iyang gipahimo. Nangutana ang hari, “Kinsa kanang nagtindog sa hawanan?”

Ecclesiastes 9:15

Didto sa maong lungsod, adunay usa ka tawo nga kabos apan maalamon, ug giluwas niya ang maong siyudad pinaagi sa iyang kaalam. Apan pagkahuman niadto, wala na siya hinumdomi sa mga tawo.

Daniel 5:16

Nakadungog ako nga mahibalo kang mohubad ug makahibalo ka usab mosulbad sa lisod nga mga suliran. Karon, kon imong mabasa kanang nasulat ug mahubad ang kahulogan niini, pasul-oban ka nako ug harianong bisti ug pakuwintasan ug bulawan. Ug himuon ka nako nga ikatulong labing taas nga opisyal sa akong gingharian.”

Daniel 5:29

Human ug sulti niini ni Daniel, nimando dayon si Belshazar nga sul-oban si Daniel sa harianon nga bisti ug kuwintasan ug bulawan. Unya giproklamar si Daniel nga ikatulong labing taas nga opisyal sa gingharian sa Babilonia.

Daniel 5:7

Busa misinggit siya nga tawgon ang mga maalamon nga tawo sa Babilonia, mga astrologo, ug mga espiritista. Pag-abot nila, miingon ang hari, “Kon kinsa ang makabasa nianang nasulat sa dingding ug makahubad sa kahulogan niini, pasul-oban ko ug harianong bisti ug pakuwintasan ug bulawan, ug himuon ko siyang ikatulong labing labaw nga opisyal sa akong gingharian.”