Ester 4:14 - Ang Pulong sa Dios

¹⁴ Kay bisan magpakahilom ka lang niining higayona, adunay laing motabang ug moluwas sa mga Judio, apan ikaw ug ang imong mga paryente malaglag. Kinsay nasayod nga nahimo kang rayna alang sa panahon nga sama niini?”

Ang Biblia 2011

¹⁴ Kay kon ikaw magpakahilom niining panahona, ang kagawasan ug kaluwasan motungha sa mga Judio gikan sa laing dapit apan ikaw ug ang balay sa imong amahan mahanaw. Ug kinsay nahibalo kon ikaw wala pa moabot sa gingharian sa ingon niini nga panahon?”

Maayong Balita Biblia

¹⁴ Kon magpakahilom ka lamang niining panahon sa kalisdanan, lain ang moluwas sa mga Judio apan ikaw ug ang imong banay malaglag. Kinsay nasayod nga nahimo kang rayna tungod ug alang sa panahon nga sama niini?”

Ang Bag-ong Maayong Balita Biblia

¹⁴ Kon magpakahilom ka lamang niining panahon sa kalisdanan, lain ang moluwas sa mga Judio apan ikaw ug ang imong banay malaglag. Kinsay nasayod nga nahimo kang rayna tungod ug alang sa panahon nga sama niini?”

Ester 4:14 Cross References

Genesis 22:14

Ginganlan ni Abraham kadtong dapita ug “Magtagana ang Ginoo.” Busa hangtod karon adunay panultihon nga nag-ingon, “Sa Bukid sa Ginoo aduna siyay gitagana.”

2 Mga Hari 13:5

Gihatagan sila sa Ginoo ug pangulo nga miluwas kanila gikan sa mga taga-Aram. Busa nagpuyo na usab nga malinawon ang mga Israelinhon sama kaniadto.

2 Mga Hari 19:3

Pag-abot nila kang Isaias, miingon sila kaniya, “Mao kini ang giingon ni Ezequias: ‘Nag-antos kita niini nga panahon; gisilotan ug gipakaulawan. Nahisama kita sa babayeng nagbati nga wala nay kusog sa pagpahimugso sa iyang anak.

Esdras 9:9

Bisan mga ulipon kami, wala mo kami pasagdi sa among pagkaulipon, hinuon gipakita mo ang imong gugma kanamo pinaagi sa maayo nga pagtagad nga gipakita sa mga hari sa Persia kanamo. Gihimo mo kini aron mahatagan mo kami ug bag-o nga kinabuhi, ug aron matukod namo pag-usab ang imong Templo nga naguba ug mahatagan mo kami ug proteksyon sa Juda ug sa Jerusalem.

Nehemias 6:11

Apan mitubag ako, “Gobernador ako; nganong moikyas ako ug motago sa sulod sa Templo sa pagluwas sa akong kinabuhi? Dili ako motago!”

Ester 2:15

Sa ikanapulo nga bulan (nga mao ang bulan sa Tebet), sa ikapito nga tuig sa paghari ni Ahasuerus, miabot ang turno ni Ester nga moadto sa hari didto sa palasyo. Walay laing gipangayo si Ester gawas sa gisulti kaniya ni Hegay, ang personal nga alagad sa hari nga tig-atiman sa mga babaye sa palasyo. Ug midayeg kaniya ang tanang nakakita kaniya.

Ester 2:17

Si Ester ang nagustohan sa hari labaw sa tanang mga babaye nga gidala kaniya. Nalipay kaayo siya kang Ester, ug giayo niya siya pag-atiman. Gikoronahan niya kini ug gihimong rayna puli kang Vasti.

Ester 2:7

Adunay ig-agaw si Mordecai nga dalaga nga matahom ug nindot ug lawas. Hadasa ang iyang ngalan ug gitawag usab siya ug Ester. Sa dihang namatay ang ginikanan ni Ester, gisagop siya ni Mordecai ug gipadako ingon nga iyang anak.

Ester 4:13

mao kini ang iyang gipadala nga tubag kang Ester: “Ayaw paghuna-huna nga ikaw ray makalingkawas sa tanang mga Judio tungod kay anaa ka magpuyo sa palasyo.

Ester 4:15

Mao kini ang tubag nga gipadala ni Ester kang Mordecai,

Job 9:18

Halos dili na niya ako paginhawaon sa labihan nga kasakit nga gipaantos niya kanako.

Ecclesiastes 3:7

adunay panahon sa paggisi ug adunay panahon sa pagtahi, adunay panahon sa paghilom ug adunay panahon sa pagsulti,

Isaias 49:23

Mag-alagad kanimo ang mga hari ug mga rayna. Sila ang moatiman kanimo. Moluhod sila agig pagtahod kanimo, ug magpasakop gayod sila kanimo. Unya mahibaloan mo nga ako mao ang  Ginoo, ug ang mga nagsalig kanako dili gayod mapakyas.”

Isaias 54:17

Walay hinagiban nga gihimo sa pagpakigbatok kanimo ang makaunsa kanimo. Matubag mo ang mga sumbong batok kanimo. Mao kini ang panulondon sa akong mga alagad; molaban ako kanila. Ako, ang  Ginoo, ang nag-ingon niini.”

Jeremias 30:11

Kay kauban ninyo ako ug luwason ko kamo. Laglagon ko sa hingpit ang tanang kanasoran diin ko kamo gipatibulaag, apan dili ko kini buhaton kaninyo. Apan wala nagkahulogan nga dili ko na kamo silotan. Disiplinahon ko kamo pinasubay sa hustisya. Ako, ang  Ginoo, ang nag-ingon niini.’

Jeremias 46:28

O mga kaliwat sa akong alagad nga si Jacob! Ayaw gayod kamo kahadlok kay kauban ninyo ako. Laglagon ko sa hingpit ang tanang kanasoran diin ko kamo gipatibulaag, apan kamo dili ko laglagon sa hingpit. Disiplinahon ko kamo basi sa hustisya. Dili ako motugot nga dili kamo masilotan. Ako, ang  Ginoo, ang nag-ingon niini.”

Levitico 26:42

tumanon ko ang akong kasabotan sa inyong mga katigulangan nga si Abraham, Isaac, ug Jacob ug ibalik ko kamo sa inyong yuta.

Mateo 16:18

Ug tungod niini tawgon ka nako nga Pedro (nga ang buot ipasabot kay ‘bato’), ug dinhi niining bato tukoron ko ang akong iglesia ug bisan ang gahom sa kamatayon dili makapildi niini.

Mateo 24:22

“Kon kadtong mga adlawa wala pamub-i sa Dios, wala gayoy maluwas nga tawo. Apan tungod sa iyang kaluoy sa iyang mga pinili, gipamub-an sa Dios kadtong mga adlawa.

Deuteronomio 32:36

Hukman sa Ginoo ang iyang katawhan; kaloy-an niya sila nga iyang mga alagad kon makita niya nga wala na silay kusog ug diyutay na lang ang nabilin kanila, ulipon man o dili ulipon.

Mga Maghuhukom 15:6

Nangutana ang mga Filistihanon kon kinsa ang naghimo niadto. Ug giingnan sila nga si Samson. Kay gipaminyo sa iyang ugangang lalaki nga taga-Timnah ang iyang asawa sa usa niya ka higala. Busa milakaw ang mga Filistihanon ug gisunog nila ang babaye ug ang iyang amahan.

1 Samuel 12:22

Dili gayod kamo isalikway sa Ginoo, kay dili siya buot nga maulawan ang iyang ngalan. Nalipay kaayo ang Ginoo sa paghimo kaninyo nga iyang katawhan.

1 Samuel 17:29

Miingon si David, “Ngano? Unsa bay akong gihimo? Nangutana lang ako!”