Ester 4:11 - Ang Pulong sa Dios

¹¹ “Nahibalo ang tanang mga tawo sa tibuok gingharian sa balaod nga moduol sa hari sa sulod nga hawanan nga wala ipatawag, patyon gawas lang kon itunol sa hari ang iyang bulawan nga septer nganha kaniya. Ug mga usa na ka bulan nga wala ako ipatawag sa hari.”

Ang Biblia 2011

¹¹ “Ang tanang mga alagad sa hari ug ang katawhan sa mga lalawigan sa hari nahibalo nga si bisan kinsa nga lalaki o babaye nga moadto sa hari sa sulod nga hawanan nga wala tawga, adunay usa ka balaod, ang tanan managsamang patyon, gawas kaniya nga tunolan sa hari sa bulawang setro ug siya mabuhi. Apan ako wala tawga aron sa pag-adto sa hari sulod niining 30 ka adlaw.”

Maayong Balita Biblia

¹¹ “Ang tanang mga alagad sa hari ug ang katawhan sa mga lalawigan nga ubos sa iyang pagmando nasayod nga kon may tawo nga moatubang sa hari nga wala ipatawag, patyon ang maong tawo, gawas niadtong pahikapon sa hari sa bulawang sitro. Ug ako wala gayod ipatawag sa hari sulod na karon sa 30 ka adlaw.”

Ang Bag-ong Maayong Balita Biblia

¹¹ “Ang tanang mga alagad sa hari ug ang katawhan sa mga lalawigan nga ubos sa iyang pagmando nasayod nga kon may tawo nga moatubang sa hari nga wala ipatawag, patyon ang maong tawo, gawas niadtong pahikapon sa hari sa bulawang sitro. Ug ako wala gayod ipatawag sa hari sulod na karon sa 30 ka adlaw.”

Ester 4:11 Cross References

Ester 1:19

“Busa kon mouyon ka, Mahal nga Hari, paghimo ug usa ka sugo nga nag-ingon nga kinahanglan dili na gayod magpakita kanimo si Rayna Vasti, ug ang iyang katungdanan ingon nga rayna ihatag ngadto sa uban nga mas maayo pa kaniya. Ipasulat kini nga sugo ug i-apil sa mga balaod sa Persia ug Media nga dili gayod mausab.

Ester 2:14

Sa gabii siya moadto sa hari, ug pagkabuntag dad-on siya sa lain nga puloy-anan nga ginapuy-an sa mga asawa sa hari. Si Shaashgaz, ang sinaligang alagad nga gitugyanan sa pag-atiman sa mga asawa sa hari, mao nay moatiman kaniya. Dili na siya makabalik ngadto sa hari gawas kon nagustohan siya niini ug ipatawag siya.

Ester 4:10

Unya gipabalik ni Ester si Hatak kang Mordecai aron sa pagsulti niini:

Ester 4:12

Sa dihang gisuginlan si Mordecai sa gipasulti ni Ester,

Ester 6:4

Nianang higayona nagpadulong si Haman sa sulod nga hawanan sa palasyo aron paghangyo sa hari nga bitayon si Mordecai sa bitayanan nga iyang gipahimo. Nangutana ang hari, “Kinsa kanang nagtindog sa hawanan?”

Ester 8:4

Gitunol sa hari ang iyang bulawan nga septer ngadto kang Ester. Unya mitindog si Ester sa atubangan sa hari ug miingon,

Daniel 2:9

nga kon dili gani ninyo masaysay ug mahubad ang akong damgo silotan ko kamo. Nagkauyon kamo nga mamakak kanako kay naghuna-huna kamo nga mausab ang sitwasyon. Karon, isaysay na ninyo ang akong gidamgo aron motuo ako nga makahimo gayod kamo sa paghubad sa kahulogan niini.”

1 Pedro 3:7

Kamo usab nga mga bana, sabta ninyo ang inyong mga asawa sumala sa inyong nasayran isip Cristohanon. Tahora ninyo sila isip mga babaye nga mas mahuyang kay kanato. Kay gihatagan usab sila sa Dios ug kinabuhi nga walay kataposan sama kanato. Kon dili kini ninyo buhaton, dili tubagon sa Dios ang inyong mga pag-ampo.