Ester 3:12 - Ang Pulong sa Dios

¹² Busa sa ika-13 nga adlaw sa unang bulan, gipatawag ni Haman ang mga sekretaryo sa hari. Gipahimo niya sila ug sulat alang sa mga gobernador, mga pangulo, ug mga opisyal sa kada probinsya sa gingharian sumala sa ilang mga pinulongan. Gisulat kini sa ngalan ni Haring Ahasuerus, gisilyohan sa iyang singsing,

Ang Biblia 2011

¹² Unya ang mga sekretaryo sa hari gipatawag sa ikanapulo ug tulo nga adlaw sa unang bulan ug ang usa ka balaod sumala sa tanan nga gisugo ni Haman gisulat ngadto sa mga tinugyanan sa hari, ug ngadto sa mga gobernador nga diha sa tanang lalawigan, ug sa mga pangulo sa tanang mga katawhan, sa matag lalawigan diha sa kaugalingon niining sinulatan ug sa matag katawhan diha sa kaugalingon niining pinulongan. Gisulat kini sa ngalan ni Hari Ahasuero ug gisilyohan sa singsing sa hari.

Maayong Balita Biblia

¹² Busa sa ika-13 nga adlaw sa unang bulan, gipatawag ni Haman ang mga sekretaryo sa hari ug gipasulat kanila ang usa ka pahibalo. Ang maong pahibalo gisulat sa pinulongan ug sa paagi sa pagsulat sa matag lalawigan nga sakop sa gingharian ug gipadala ngadto sa tanang magmamando, gobernador ug mga opisyal. Gipadala kini ubos sa ngalan ni Hari Ahasuero ug gisilyohan sa iyang singsing.

Ang Bag-ong Maayong Balita Biblia

¹² Busa sa ika-13 nga adlaw sa unang bulan, gipatawag ni Haman ang mga sekretaryo sa hari ug gipasulat kanila ang usa ka pahibalo. Ang maong pahibalo gisulat sa pinulongan ug sa paagi sa pagsulat sa matag lalawigan nga sakop sa gingharian ug gipadala ngadto sa tanang magmamando, gobernador ug mga opisyal. Gipadala kini ubos sa ngalan ni Hari Ahasuero ug gisilyohan sa iyang singsing.

Ester 3:12 Cross References

1 Mga Hari 21:8

Busa nagsulat si Jezebel sa ngalan ni Ahab. Gisilyohan niya kini sa silyo sa hari, ug gipadala sa mga tigdumala ug sa uban pang mga opisyal sa lungsod diin nagpuyo si Nabot.

Esdras 8:36

Gihatag usab nila sa mga gobernador ug mga opisyal sa probinsya sa kasadpang Eufrates ang dokumento diin nasulat ang mando sa hari. Ug kini sila mitabang sa katawhan sa Israel ug sa balay sa Dios.

Ester 1:22

Nagpadala siya ug sulat sa tanang probinsya nga sakop sa iyang gingharian sumala sa ilang mga pinulongan. Ang sulat nag-ingon nga kinahanglan ang bana mao gayod ang modumala sa iyang panimalay.

Ester 3:11

Miingon ang hari kaniya, “Imo na kanang kuwarta, ug buhata ang buot mong buhaton sa mga Judio.”

Ester 8:2

Gihubo sa hari ang singsing nga pangsilyo nga iyang gibawi kang Haman, ug gihatag kini kang Mordecai. Unya gihimo ni Ester si Mordecai nga tigdumala sa tanang kabtangan ni Haman.

Ester 9:27

nagkasabot ang mga Judio nga saulogon nila matag tuig kining duha ka adlaw sa paagi nga giingon ni Mordecai. Nakahukom sila nga himuon nila kini ug sa ilang mga kaliwat, ug sa tanang nahimong Judio.

Daniel 3:10

Dili ba nagmando ka man nga ang tanan nga makadungog sa tingog sa mga instrumento moluhod ug mosimba sa estatuwa nga bulawan,

Daniel 6:12

Busa miadto sila sa hari aron isulti ang paglapas ni Daniel sa balaod. Miingon sila sa hari, “Mahal nga Hari, dili ba nga mipirma ka man sa balaod nga sulod sa 30 ka adlaw walay si bisan kinsa nga mag-ampo sa bisan unsa nga dios o tawo gawas lang gayod kanimo? Ug si bisan kinsa nga molapas niining maong balaod itambog ngadto sa bangag nga adunay mga liyon?” Mitubag ang hari, “Tinuod kana! Ug sumala sa balaod sa Media ug Persia dili gayod kana mahimong bakwion.”

Daniel 6:15

Miadto pag-usab ang mga opisyal sa hari ug miingon, “Nahibalo ka, Mahal nga Hari, nga sumala sa balaod sa Media ug Persia, ang kasugoan nga gipakanaog sa hari dili na mahimong bakwion pa.”

Daniel 6:25

Human niini nagsulat si Haring Darius ngadto sa tanang katawhan sa nagkalain-laing mga nasod, tribo, ug pinulongan sa kalibotan: Hinaut nga magmauswagon pa gayod ang inyong kahimtang.

Daniel 6:8

Busa, Mahal nga Hari, ipatuman kini nga balaod. Ipasulat kini ug unya pirmahi aron dili na mausab o mahimong bakwion pa sumala sa balaod sa Media ug Persia.”