Ester 2:17 - Ang Pulong sa Dios

¹⁷ Si Ester ang nagustohan sa hari labaw sa tanang mga babaye nga gidala kaniya. Nalipay kaayo siya kang Ester, ug giayo niya siya pag-atiman. Gikoronahan niya kini ug gihimong rayna puli kang Vasti.

Ang Biblia 2011

¹⁷ ang hari nahigugma kang Ester labaw sa tanang mga babaye ug siya nakabaton sa grasya ug kahimuot diha sa panan-aw sa hari labaw sa tanang mga ulay, nga tungod niana gibutang sa hari kaniya ang harianong korona diha sa iyang ulo ug gihimo siya nga rayna puli kang Vasti.

Maayong Balita Biblia

¹⁷ Gihigugma sa hari si Ester labaw sa tanang babaye ug gikahimut-an siya sa hari labaw sa tanang dalaga. Busa gitaod sa hari kang Ester ang korona ug gihimo siyang rayna puli kang Vasti.

Ang Bag-ong Maayong Balita Biblia

¹⁷ Gihigugma sa hari si Ester labaw sa tanang babaye ug gikahimut-an siya sa hari labaw sa tanang dalaga. Busa gitaod sa hari kang Ester ang korona ug gihimo siyang rayna puli kang Vasti.

Ester 2:17 Cross References

Ester 1:11

nga dad-on kaniya si Rayna Vasti nga magsul-ob ug korona aron ipakita ang iyang katahom sa mga opisyal ug sa tanan nga bisita, kay labihan siya katahom.

Ester 4:14

Kay bisan magpakahilom ka lang niining higayona, adunay laing motabang ug moluwas sa mga Judio, apan ikaw ug ang imong mga paryente malaglag. Kinsay nasayod nga nahimo kang rayna alang sa panahon nga sama niini?”

Ester 6:8

Ipakuha ang usa sa imong harianong bisti nga imo nang nasul-ob, ug ang usa ka kabayo nga imo nang nasakyan, kadtong adunay dekorasyon sa ulo.

Mga Panultihon 21:1

Maingon nga gibut-an sa Ginoo ang pagdagayday sa suba, mahimo usab niyang but-an ang huna-huna sa hari sumala sa iyang gusto.

Ezequiel 17:24

Ug ang tanang mga kahoy sa yuta makahibalo nga ako mao ang  Ginoo nga nagputol sa tag-as nga mga kahoy ug nagpataas sa mga mugbong kahoy. Ako usab ang nagpalaya sa labong nga mga kahoy ug nagbuhi pag-usab sa mga layang kahoy. Ako, ang  Ginoo, ang nagsaad niini, ug tumanon ko gayod kini.”

1 Samuel 2:8

Gihaw-as sa Ginoo ang mga kabos sa ilang kawalad-on ug gipalingkod sila sa Ginoo uban sa mga halangdon ug gihatagag kadungganan. Siya ang tag-iya sa patukoranan diin gipahimutang ang kalibotan.