Ester 2:14 - Ang Pulong sa Dios

¹⁴ Sa gabii siya moadto sa hari, ug pagkabuntag dad-on siya sa lain nga puloy-anan nga ginapuy-an sa mga asawa sa hari. Si Shaashgaz, ang sinaligang alagad nga gitugyanan sa pag-atiman sa mga asawa sa hari, mao nay moatiman kaniya. Dili na siya makabalik ngadto sa hari gawas kon nagustohan siya niini ug ipatawag siya.

Ang Biblia 2011

¹⁴ Sa pagkagabii siya moadto, ug sa pagkabuntag siya mobalik ngadto sa ikaduhang balay sa mga babaye nga ubos sa pagdumala ni Saasgas nga yunoko sa hari nga maoy gitugyanan sa mga puyopuyo. Siya dili na moadto pag-usab sa hari gawas kon siya kahimut-an sa hari ug siya tawgon pinaagi sa ngalan.

Maayong Balita Biblia

¹⁴ Moadto siya pagkagabii ug pagkabuntag mobalik siya sa ikaduhang puy-anan sa mga babaye ubos sa pagdumala ni Saasgaz, usa ka yunuko nga maoy nag-atiman sa mga puyopuyo sa hari. Ang usa ka babaye dili makausab sa pag-adto sa hari gawas kon nahimuot kaniya ang hari ug ipatawag siya.

Ang Bag-ong Maayong Balita Biblia

¹⁴ Moadto siya pagkagabii ug pagkabuntag mobalik siya sa ikaduhang puy-anan sa mga babaye ubos sa pagdumala ni Saasgaz, usa ka yunuko nga maoy nag-atiman sa mga puyopuyo sa hari. Ang usa ka babaye dili makausab sa pag-adto sa hari gawas kon nahimuot kaniya ang hari ug ipatawag siya.

Ester 2:14 Cross References

Genesis 34:19

Busa tungod kay nakagusto gayod si Sekem kang Dina, wala na siya mag-usik pa ug panahon sa pagtuman sa giingon sa mga anak ni Jacob. Si Sekem tinahod gayod sa panimalay sa iyang amahan.

Ester 2:13

Inig-abot sa panahon nga moadto na siya sa hari, hatagan siya sa tanan niyang gustong dad-on sa pag-adto sa palasyo sa hari.

Ester 2:15

Sa ikanapulo nga bulan (nga mao ang bulan sa Tebet), sa ikapito nga tuig sa paghari ni Ahasuerus, miabot ang turno ni Ester nga moadto sa hari didto sa palasyo. Walay laing gipangayo si Ester gawas sa gisulti kaniya ni Hegay, ang personal nga alagad sa hari nga tig-atiman sa mga babaye sa palasyo. Ug midayeg kaniya ang tanang nakakita kaniya.

Ester 4:11

“Nahibalo ang tanang mga tawo sa tibuok gingharian sa balaod nga moduol sa hari sa sulod nga hawanan nga wala ipatawag, patyon gawas lang kon itunol sa hari ang iyang bulawan nga septer nganha kaniya. Ug mga usa na ka bulan nga wala ako ipatawag sa hari.”

Isaias 43:1

Apan karon mao kini ang giingon sa Ginoo nga nagbuhat kanimo, O Israel, “Ayaw kahadlok kay luwason ko gayod ikaw. Gitawag ka nako sa imong ngalan, ug akoa ka.

Isaias 45:4

“Gitawag ka nako aron tabangan mo ang Israel nga akong alagad, ang katawhan nga akong pinili. Gipasidunggan ka nako bisan wala ka makaila kanako.

Deuteronomio 21:14

Apan kon sa kaulahian wala nay gusto ang lalaki sa babaye, kinahanglan hatagan niya kini sa kagawasan. Dili niya kini mahimong ibaligya o himuong ulipon tungod kay gipakaulawan na niya kini.