Ester 2:12 - Ang Pulong sa Dios

¹² Sa dili pa ipaatubang ngadto sa hari ang usa ka babaye, kinahanglan makompleto na niya ang usa ka tuig nga pagpatahom: unom ka bulan nga pagpanghaplas ug lana sa mira, ug unom pa gayod ka bulan nga pagbutang ug mga pahumot sa lawas, ug uban pang matang sa pagpatahom.

Ang Biblia 2011

¹² Karon sa diha nga ang panahon miabot sa matag dalaga sa pag-adto kang Hari Ahasuero, human sa napulo ug duha ka bulan ilalom sa tulumanon sa mga babaye, kay kini mao ang naandang mga adlaw sa ilang pagpaanyag, unom ka bulan sa lana sa mira ug unom ka bulan sa mga pahumot ug mga haplas alang sa mga babaye,

Maayong Balita Biblia

¹² Human sa 12 ka bulan nga maoy gidugayon sa ilang pagpaanyag ginamit ang lana sa mira sulod sa unom ka bulan ug laing pahumot sulod sa laing unom ka bulan, miabot ang higayon nga ang matag dalaga moatubang na kang Hari Ahasuero.

Ang Bag-ong Maayong Balita Biblia

¹² Human sa 12 ka bulan nga maoy gidugayon sa ilang pagpaanyag ginamit ang lana sa mira sulod sa unom ka bulan ug laing pahumot sulod sa laing unom ka bulan, miabot ang higayon nga ang matag dalaga moatubang na kang Hari Ahasuero.

Ester 2:12 Cross References

Ester 2:11

Kada adlaw, maglabay-labay si Mordecai sa hawanan sa gipuy-an sa mga babaye aron sa pagpakisayod sa kahimtang ni Ester, ug kon unsa na ang nahitabo kaniya.

Ester 2:13

Inig-abot sa panahon nga moadto na siya sa hari, hatagan siya sa tanan niyang gustong dad-on sa pag-adto sa palasyo sa hari.

Ester 2:3

Pagpili ug mga opisyal sa matag probinsya nga sakop sa imong gingharian nga mangitag matahom ug batan-ong mga dalaga. Ipadala ang maong mga dalaga sa puloy-anan sa mga babaye dinhi sa pinarilan nga lungsod sa Susa. Ipaatiman sila sa imong personal nga alagad nga si Hegay, nga gitugyanan mo sa pag-atiman sa mga babaye sa palasyo. Siya nay mahibalo nga mohatag kanila sa ilang mga kinahanglanon sa pagpatahom.

Ester 2:9

Nakaangay si Hegay kang Ester, ug gihatagan niya kinig maayong pagtagad. Iya dayong gihatagan si Ester ug maayong pagkaon ug mga kinahanglanon sa pagpatahom. Gihatagan usab niya kinig pito ka sulugoong babaye nga gikan pa sa palasyo sa hari, ug gibalhin niya sila sa pinakanindot nga bahin sa maong puloy-anan.

Mga Panultihon 7:17

Gibutangan ko kini sa mga mira, aloe, ug cinamon.

Awit sa mga Awit 3:6

Kinsa kining gikan sa kamingawan nga murag bagang aso nga inubanan sa kahumot sa mga mira ug insenso, mga pahumot nga ginabaligya sa negosyante?

Isaias 3:24

Imbis nga mangalimyon sila sa mga pahumot, manimaho na hinuon sila. Pisi ang ilang ibakos, ug maupaw ang matahom nilang buhok. Ang ilang mahalong bisti ilisag sako, ug mahanaw ang ilang katahom.

Isaias 57:9

Miadto kamo sa inyong dios-dios nga si Molec nga adunay dalang lana ug daghang mga pahumot. Nagsugo pa kamog mga tawo nga mangitag mga dios-dios sa layong mga dapit aron inyong simbahon. Bisan ang dapit sa mga patay daw sa paadtoan pa ninyo.