Ester 2:10 - Ang Pulong sa Dios

¹⁰ Wala mosugilon si Ester bahin sa iyang pagka-Judio ug sa iyang kagikan tungod kay gidid-an siya ni Mordecai sa pagsulti niini.

Ang Biblia 2011

¹⁰ Si Ester wala magpahibalo mahitungod sa iyang katawhan o sa iyang kadugo kay gitugon siya ni Mardoqueo nga dili kini ipahibalo.

Maayong Balita Biblia

¹⁰ Wala ipaila ni Ester ang iyang katawhan o kadugo sumala sa gisugo ni Mardoqueo kaniya.

Ang Bag-ong Maayong Balita Biblia

¹⁰ Wala ipaila ni Ester ang iyang katawhan o kadugo sumala sa gisugo ni Mardoqueo kaniya.

Ester 2:10 Cross References

Ester 2:11

Kada adlaw, maglabay-labay si Mordecai sa hawanan sa gipuy-an sa mga babaye aron sa pagpakisayod sa kahimtang ni Ester, ug kon unsa na ang nahitabo kaniya.

Ester 2:20

Gihilom gihapon ni Ester ang iyang pagka-Judio ug kagikan, sumala sa gipahimangno kaniya ni Mordecai. Gituman gihapon ni Ester si Mordecai sama sa iyang ginahimo sa dihang giatiman pa siya ni Mordecai.

Ester 2:7

Adunay ig-agaw si Mordecai nga dalaga nga matahom ug nindot ug lawas. Hadasa ang iyang ngalan ug gitawag usab siya ug Ester. Sa dihang namatay ang ginikanan ni Ester, gisagop siya ni Mordecai ug gipadako ingon nga iyang anak.

Ester 3:8

Unya, miingon si Haman kang Haring Ahasuerus, “Adunay grupo sa katawhan nga nagpuyo sa nagkalain-laing probinsya sa imong gingharian nga adunay kaugalingong kasugoan nga lahi sa ubang mga katawhan. Wala sila magtuman sa imong mga kasugoan ug dili maayo alang kanimo, Mahal nga Hari, nga pasagdan lang sila.

Ester 7:4

Kay ako ug ang akong katawhan gibaligya na ngadto sa mopatay ug mopuo kanamo. Kon gibaligya lang kami aron mahimong ulipon, magpakahilom na lang unta ako tungod kay dili man kana igo nga hinungdan aron samokon ka nako.”

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mga Taga-Efeso 6:1

Kamong mga anak, tumana ninyo ang inyong mga ginikanan, kay mao kini ang angay nga buhaton.

Ruth 3:6

Busa miadto siya sa giokanan aron himuon ang tanang gisulti sa iyang ugangan.