Ester 1:22 - Ang Pulong sa Dios

²² Nagpadala siya ug sulat sa tanang probinsya nga sakop sa iyang gingharian sumala sa ilang mga pinulongan. Ang sulat nag-ingon nga kinahanglan ang bana mao gayod ang modumala sa iyang panimalay.

Ang Biblia 2011

²² Nagpadala siya ug mga sulat sa tanang mga lalawigan sa hari, sa matag lalawigan sumala sa nasulat niini ug sa matag katawhan sumala sa ilang pinulongan nga ang matag lalaki maghari sa iyang kaugalingong balay ug magsulti sumala sa pinulongan sa iyang katawhan.

Maayong Balita Biblia

²² Nagpadala siyag mensahe ngadto sa tanang lalawigan nga sakop sa gingharian sumala sa mga sinultihan ug sinulatan sa mga nagpuyo niini. Ang mensahe nag-ingon nga ang matag bana kinahanglan maoy pangulo sa iyang balay.

Ang Bag-ong Maayong Balita Biblia

²² Nagpadala siyag mensahe ngadto sa tanang lalawigan nga sakop sa gingharian sumala sa mga sinultihan ug sinulatan sa mga nagpuyo niini. Ang mensahe nag-ingon nga ang matag bana kinahanglan maoy pangulo sa iyang balay.

Ester 1:22 Cross References

Ester 1:21

Miuyon ang hari ug ang iyang mga opisyal sa giingon ni Memukan, busa gisunod kini sa hari.

Ester 3:12

Busa sa ika-13 nga adlaw sa unang bulan, gipatawag ni Haman ang mga sekretaryo sa hari. Gipahimo niya sila ug sulat alang sa mga gobernador, mga pangulo, ug mga opisyal sa kada probinsya sa gingharian sumala sa ilang mga pinulongan. Gisulat kini sa ngalan ni Haring Ahasuerus, gisilyohan sa iyang singsing,

Ester 8:9

Busa sa ika-23 nga adlaw sa ikatulong bulan, nga mao ang bulan sa Sivan, gipatawag ang mga sekretaryo sa hari. Gisulat nila ang tanang gidikta ni Mordecai kanila. Ang sulat alang sa mga Judio, mga gobernador, mga pangulo, ug mga opisyal sa 127 ka mga probinsya sa India hangtod sa Etiopia. Gisulat kini sa pinulongan sa mga tawo sa tibuok gingharian, apil na sa pinulongan sa mga Judio.

Daniel 3:29

Busa nagmando ako nga si bisan kinsa nga tawo sa bisan unsa nga nasod, tribo, o pinulongan nga mosulti ug daotan batok sa Dios nila ni Shadrach, Meshach, ug Abednego, tadtaron ug gub-on ang ilang mga balay. Kay wala nay laing dios nga makaluwas sama niini.”

Daniel 4:1

Nagpadala si Haring Nebucadnezar niining mosunod nga pahibalo ngadto sa tanang katawhan sa nagkalain-laing nasod, tribo, ug pinulongan sa kalibotan. Hinaut nga magmauswagon pa gayod kamo.

Lucas 16:8

Pagkahibalo sa agalon sa iyang gihimo, gidayeg niya ang limbongan nga sinaligan sa kaabtik niini tungod kay nakapangandam na kini alang sa iyang umaabot. Kay ang mga tawo nga mipalabi sa mga butang dinhi sa kalibotan mas abtik makig-angay sa sama kanila kaysa mga gilamdagan na sa Dios.

1 Timoteo 2:12

Dili ako motugot nga ang mga babaye motudlo o modumala sa mga lalaki. Kinahanglan maghilom lang sila.