Ester 1:19 - Ang Pulong sa Dios

¹⁹ “Busa kon mouyon ka, Mahal nga Hari, paghimo ug usa ka sugo nga nag-ingon nga kinahanglan dili na gayod magpakita kanimo si Rayna Vasti, ug ang iyang katungdanan ingon nga rayna ihatag ngadto sa uban nga mas maayo pa kaniya. Ipasulat kini nga sugo ug i-apil sa mga balaod sa Persia ug Media nga dili gayod mausab.

Ang Biblia 2011

¹⁹ Kon kini makapahimuot sa hari, ipagula ang usa ka harianong sugo gikan kaniya, ug ipasulat kini uban sa mga balaod sa mga Persianhanon ug sa taga-Medes aron dili kini mausab, nga si Vasti dili na moadto sa atubangan ni Hari Ahasuero. Ug ipahatag sa hari ang kahimtang nga harianon ngadto sa lain nga maayo pa kay kang Vasti.

Maayong Balita Biblia

¹⁹ Kon ikahimuot mo Halangdong Hari, ipakanaog ang usa ka sugo ug isulat kini ingon nga usa sa mga balaod sa Persia ug sa Media aron dili kini mausab. Ang sugo mao kini: si Vasti dili na makaatubang sa hari hangtod sa hangtod ug ang iyang dapit ihatag sa hari ngadto sa babaye nga mas maayo pa kay kaniya.

Ang Bag-ong Maayong Balita Biblia

¹⁹ Kon ikahimuot mo Halangdong Hari, ipakanaog ang usa ka sugo ug isulat kini ingon nga usa sa mga balaod sa Persia ug sa Media aron dili kini mausab. Ang sugo mao kini: si Vasti dili na makaatubang sa hari hangtod sa hangtod ug ang iyang dapit ihatag sa hari ngadto sa babaye nga mas maayo pa kay kaniya.

Ester 1:19 Cross References

1 Mga Hari 3:28

Sa dihang nadungog sa katawhan sa Israel ang hukom ni Haring Solomon, misamot ang ilang pagtahod kaniya, tungod kay nakita nila nga aduna siyay kaalam nga gikan sa Dios sa paghukom ug husto.

Ester 1:18

Sukad karon mao na usab kanay himuon sa mga asawa sa mga opisyal sa Persia ug Media nga nakadungog sa gihimo sa rayna. Busa ang mahitabo, kanunay na lang unya nga dili motahod ang mga asawa sa ilang mga bana, ug ang mga bana masuko sa ilang mga asawa.

Ester 1:21

Miuyon ang hari ug ang iyang mga opisyal sa giingon ni Memukan, busa gisunod kini sa hari.

Ester 2:1

Unya, sa dihang nahuwasan na si Haring Ahasuerus sa iyang kasuko, nahinumdoman niya si Vasti ug sa gihimo niini. Nahinumdoman usab niya ang mga sugo nga iyang gihimo bahin kang Vasti.

Ester 3:9

Kon gusto mo, Mahal nga Hari, pagmando nga pamatyon sila. Mohatag ako ug 350 ka toneladang pilak sa mga administrador sa imong gingharian, aron ibutang nila sa panudlanan sa gingharian.”

Ester 8:5

“Kon tinuod nga nalipay ka kanako, Mahal nga Hari, ug ikahimuot mo ang pagtabang kanako, ug kon mouyon ka, pagpasulat ug usa ka sugo sa pagbakwi sa mando ni Haman nga anak ni Hamedata nga Agagnon nga pamatyon ang mga Judio sa tibuok gingharian.

Ester 8:8

Karon, pagsulat kamog usa ka sugo nga makaayo alang kaninyong mga Judio. Isulat ninyo kini sa akong ngalan, ug unya silyohi sa akong singsing. Kay ang bisan unsa nga kasulatan nga gisulat sa ngalan sa hari ug gisilyohan sa iyang singsing dili na gayod mausab pa.”

Daniel 6:17

Unya gitakloban ug usa ka dakong bato ang bangag sa mga liyon, ug gisilyohan kini sa hari sa iyang singsing ug sa singsing sa mga kadagkoan sa gingharian aron walay makaluwas kang Daniel.

1 Samuel 15:28

Unya miingon si Samuel kaniya, “Kuhaon sa Ginoo gikan kanimo karong adlawa ang gingharian sa Israel ug ihatag sa sama nimong Israelinhon nga mas maayo kay kanimo.