Ester 1:17 - Ang Pulong sa Dios

¹⁷ Sigurado gayod nga mahibaloan sa tanang mga babaye sa gingharian ang gihimo ni Rayna Vasti, ug dili usab unya sila motahod sa ilang mga bana. Kay mangatarungan na man unya sila nga, ‘Si Rayna Vasti gani wala mituman sa dihang gipatawag siya sa hari.’

Ang Biblia 2011

¹⁷ Kay kining gibuhat sa rayna mahibaloan sa tanang mga babaye, nga tungod niana sila magtamay sa ilang mga bana diha sa ilang panan-aw kay sila moingon, ‘Si Ahasuero nagsugo kang Rayna Vasti nga paadtoon sa iyang atubangan, apan siya wala moadto.’

Maayong Balita Biblia

¹⁷ Kining gibuhat sa rayna mahibaloan sa tanang babaye ug tamayon nila ang ilang mga bana kay moingon man sila, ‘Nagsugo si Hari Ahasuero nga dad-on sa iyang atubangan si Rayna Vasti apan wala mosugot ang rayna.’

Ang Bag-ong Maayong Balita Biblia

¹⁷ Kining gibuhat sa rayna mahibaloan sa tanang babaye ug tamayon nila ang ilang mga bana kay moingon man sila, ‘Nagsugo si Hari Ahasuero nga dad-on sa iyang atubangan si Rayna Vasti apan wala mosugot ang rayna.’

Ester 1:17 Cross References

2 Samuel 6:16

Sa dihang pasulod na ang Sudlanan sa Ginoo didto sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga naglukso-lukso ug nagsayaw-sayaw sa presensya sa Ginoo, gitamay niya kini.

Esdras 4:6

Sa pagsugod sa paghari ni Ahasuerus, ang mga kaaway sa mga lumulupyo sa Juda ug sa Jerusalem nagsulat ug mga sumbong batok kanila.

Ester 1:16

Mitubag si Memukan sa hari atubangan sa mga opisyal niini, “Nakasala si Rayna Vasti dili lang kanimo, Mahal nga Hari, kondili apil usab sa tanang mga opisyal ug mga katawhan sa tibuok mong gingharian.

Ester 1:18

Sukad karon mao na usab kanay himuon sa mga asawa sa mga opisyal sa Persia ug Media nga nakadungog sa gihimo sa rayna. Busa ang mahitabo, kanunay na lang unya nga dili motahod ang mga asawa sa ilang mga bana, ug ang mga bana masuko sa ilang mga asawa.

Mga Taga-Efeso 5:33

Busa kamong mga bana, higugmaa ninyo ang inyong asawa sama sa inyong kaugalingon. Ug kamong mga asawa, tahora ninyo ang inyong bana.