Ester 1:12 - Ang Pulong sa Dios

¹² Apan sa dihang gisultihan sa mga alagad si Rayna Vasti mahitungod sa gisugo sa hari, midumili siya sa pag-adto. Busa nasuko pag-ayo ang hari.

Ang Biblia 2011

¹² Apan si Rayna Vasti nagdumili sa pag-adto sumala sa sugo sa hari nga gidala sa mga yunoko. Tungod niini ang hari nasuko pag-ayo ug ang iyang kasuko misilaob diha kaniya.

Maayong Balita Biblia

¹² Apan sa dihang gisultihan sa mga yunuko si Rayna Vasti sa hangyo sa hari midumili siya. Tungod niini napungot pag-ayo ang hari.

Ang Bag-ong Maayong Balita Biblia

¹² Apan sa dihang gisultihan sa mga yunuko si Rayna Vasti sa hangyo sa hari midumili siya. Tungod niini napungot pag-ayo ang hari.

Ester 1:12 Cross References

Genesis 3:16

Miingon usab siya sa babaye, “Tungod sa imong gibuhat, dugangan ko ang kalisod sa imong pagpanamkon ug ang kasakit sa pagpanganak. Ug bisan pa niana, mangandoy ka gihapon sa imong bana, ug siya ang mogahom kanimo.”

Ester 1:11

nga dad-on kaniya si Rayna Vasti nga magsul-ob ug korona aron ipakita ang iyang katahom sa mga opisyal ug sa tanan nga bisita, kay labihan siya katahom.

Ester 1:13

Naandan na sa hari ang pagpangayo ug tambag sa mga maalamon nga tawo nga nakahibalo sa mga kasugoan ug mga pamatasan sa gingharian.

Ester 7:7

Unya mitindog ang hari sa labihang kasuko. Gibiyaan niya ang iyang ilimnon ug miadto sa hardin sa palasyo. Apan nagpabilin si Haman ug nagpakiluoy kang Rayna Ester tungod kay nasayod siya nga silotan gayod siya sa hari.

Salmo 74:1

O Dios, nganong gisalikway mo man kami sa hingpit? Nganong nasuko ka sa katawhan nga imong gibantayan?

Salmo 79:5

Hangtod kanus-a, Ginoo, ang imong kasuko kanamo? Hangtod ba sa kahangtoran? Hangtod kanus-a mosilaob nga daw kalayo ang imong pagpangabugho?

Exodo 32:19

Sa nagkaduol na si Moises sa kampo, nakita niya ang dios-dios nga baka ug ang mga tawo nga nagsayaw-sayaw, busa nasuko siya pag-ayo. Gilabay niya didto sa tiilan sa bukid ang lagpad nga mga bato nga iyang dala, ug nangabuak kini.

Exodo 32:22

Mitubag si Aaron, “Ayaw kasuko kanako, sir. Nasayod ka bitaw nga dali ra sila madala sa kadaotan.

Mga Panultihon 19:12

Ang kasuko sa hari sama sa ngulob sa liyon, apan ang iyang kaayo sama sa yamog sa tanaman.

Mga Panultihon 20:2

Makalilisang ang hari kon masuko murag nagangulob nga liyon. Kon pasuk-on mo siya, patyon ka gayod niya.

Daniel 2:12

Tungod sa ilang tubag, napungot pag-ayo ang hari ug nimando nga pamatyon ang tanang maalamon nga mga tawo sa Babilonia.

Daniel 3:13

Pagkadungog niadto sa hari labihan gayod ang iyang kasuko. Gipatawag dayon niya sila si Shadrach, Meshach, ug Abednego.

Daniel 3:19

Tungod sa ilang tubag misamot ang kasuko sa hari kanila, ug makita kini sa iyang dagway. Busa nimando siya nga dugangan ug pito ka pilo ang kainit sa hudno.

Nahum 1:6

Kinsay makabarog sa iyang kayugot? Kinsay makabarog sa iyang hilabihang kasuko? Ang iyang kapungot iyang gibubo sama sa kalayo. Ang mga bato nadugmok sa iyang atubangan.

Mga Taga-Efeso 5:22

Kamo nga mga asawa, pagpasakop kamo sa inyong bana, sama sa inyong pagpasakop sa Ginoo.

Mga Taga-Efeso 5:24

Busa, ingon nga ang mga tumutuo nagpasakop kang Cristo, ang mga asawa kinahanglan usab nga magpasakop sa ilang mga bana.

Deuteronomio 29:20

Dili gayod siya pasayloon sa Ginoo. Mosilaob ang hilabihang kasuko sa Ginoo kaniya sama sa kalayo, ug mahitabo kaniya ang tanang tunglo nga nasulat niini nga libro, ug papason sa Ginoo ang iyang ngalan sa kalibotan.

1 Pedro 3:1

Ug karon, kamong mga asawa, kinahanglan magpasakop kamo sa inyong mga bana, aron nga kon ang inyong mga bana wala motuo sa pulong sa Dios, madala ninyo sila sa Ginoo pinaagi sa inyong maayong pamatasan bisan dili na ninyo sila sultihan.