Ester 1:11 - Ang Pulong sa Dios

¹¹ nga dad-on kaniya si Rayna Vasti nga magsul-ob ug korona aron ipakita ang iyang katahom sa mga opisyal ug sa tanan nga bisita, kay labihan siya katahom.

Ang Biblia 2011

¹¹ sa pagdala kang Rayna Vasti sa atubangan sa hari uban ang iyang harianong korona aron sa pagpakita sa iyang kaanyag ngadto sa mga katawhan ug sa mga pangulo kay siya matahom man nga tan-awon.

Maayong Balita Biblia

¹¹ nga dad-on nila sa atubangan sa hari ang rayna nga si Vasti nga magsul-ob sa iyang korona aron makita sa katawhan ug sa mga kadagkoan ang iyang katahom.

Ang Bag-ong Maayong Balita Biblia

¹¹ nga dad-on nila sa atubangan sa hari ang rayna nga si Vasti nga magsul-ob sa iyang korona aron makita sa katawhan ug sa mga kadagkoan ang iyang katahom.

Ester 1:11 Cross References

2 Samuel 14:25

Walay makatupong sa kaguwapo ni Absalom sa tibuok Israel, busa ginadayeg gayod siya sa tanan. Wala gayod siyay deperensya gikan sa ulo hangtod sa lapa-lapa.

Ester 1:12

Apan sa dihang gisultihan sa mga alagad si Rayna Vasti mahitungod sa gisugo sa hari, midumili siya sa pag-adto. Busa nasuko pag-ayo ang hari.

Ester 2:17

Si Ester ang nagustohan sa hari labaw sa tanang mga babaye nga gidala kaniya. Nalipay kaayo siya kang Ester, ug giayo niya siya pag-atiman. Gikoronahan niya kini ug gihimong rayna puli kang Vasti.

Ester 6:8

Ipakuha ang usa sa imong harianong bisti nga imo nang nasul-ob, ug ang usa ka kabayo nga imo nang nasakyan, kadtong adunay dekorasyon sa ulo.

Mga Panultihon 16:9

Nagplano ang tawo sa angay niyang buhaton, apan ang  Ginoo ang nagpatigayon niana.

Mga Panultihon 31:30

Ang pagkamadanihon malimbongon, ug ang katahom lumalabay lang; apan ang babaye nga nagtahod sa Ginoo angay nga dayegon.

1 Samuel 25:3

Si Nabal ang iyang ngalan. Gikan siya sa kaliwat ni Caleb, ug ang iyang asawa mao si Abigail. Maalam ug matahom si Abigail, apan si Nabal daling masuko ug ngil-ad ug batasan.