Ecclesiastes 1:3 - Ang Pulong sa Dios

³ Unsay makuha sa tawo sa iyang paghago dinhi sa kalibotan?

Ang Biblia 2011

³ Unsay makuha sa tawo gikan sa tanan niyang paghago, diin naghago siya ilalom sa adlaw?

Maayong Balita Biblia

³ Sa tibuok mong kinabuhi magtrabaho ug maghago ka, apan unsa may makuha mo niini?

Ang Bag-ong Maayong Balita Biblia

³ Sa tibuok mong kinabuhi magtrabaho ug maghago ka, apan unsa may makuha mo niini?

Ecclesiastes 1:3 Cross References

Ecclesiastes 2:11

Apan sa dihang gihuna-huna ko pag-ayo ang tanan kong nahimo, nasuta ko nga kining tanan walay kapuslanan; sama lang nga naggukod ako sa hangin. Wala gayoy kaayohan nga makuha sa paghago dinhi sa kalibotan.

Ecclesiastes 2:18

Naglagot ako kay ang tanang gihagoan ko dinhi sa kalibotan ibilin ko man lang sa mosunod kanako.

Ecclesiastes 2:19

Ug kinsa ang nasayod kon maalamon ba siya o buang-buang? Apan bisan unsa pa siya, siya gihapon ang makapanag-iya sa tanan kong gihagoan sa tibuok kong kusog ug kaalam. Wala usab kini kapuslanan!

Ecclesiastes 2:22

Unsay makuha sa tawo sa iyang paghago ug pagpaningkamot dinhi sa kalibotan?

Ecclesiastes 3:9

Kon kining mga panahona gitakda na sa Dios, unsa may kapuslanan sa paghago sa tawo?

Ecclesiastes 4:3

Apan mas maayo pa gayod ang mga wala pa matawo kay sila wala makakita sa mga kadaotan dinhi sa kalibotan.

Ecclesiastes 4:7

Adunay nakita pa akong butang nga walay kapuslanan dinhi sa kalibotan:

Ecclesiastes 5:16

Subo gayod kini kaayo! Natawo kita nga walay dala, mobiya usab kita nga walay dala. Unsa may atong maani sa atong paghago nga wala man kini kapuslanan?

Ecclesiastes 5:18

Busa nasuta ko nga ang labing maayong himuon sa tawo sa hamubo nga kinabuhi nga gihatag sa Dios kaniya mao ang pagkaon, pag-inom, ug pagpahimulos sa iyang hinagoan dinhi sa kalibotan, kay alang man gayod kana kaniya.

Ecclesiastes 6:12

Walay nasayod kon unsa gayod ang maayo alang sa usa ka tawo sa hamubo ug walay kapuslanan niyang kinabuhi nga kini lumalabay lang kini sama sa anino. Walay makasulti kaniya kon unsa ang mahitabo sa kalibotan human siya mamatay.

Ecclesiastes 7:11

Ang kaalam maayo, sama kini sa panulondon. Naghatag kini sa mga nagkinabuhi dinhi sa kalibotan ug kaayohan nga naglungtad,

Ecclesiastes 9:13

Nakita ko usab dinhi sa kalibotan ang usa ka panig-ingnan sa kaalam nga giangayan ko gayod:

Ecclesiastes 9:3

Mao kini ang nakadaot sa tanang nahitabo sa kalibotan: usa lang ang dangatan sa tanan. Ug dugang pa niana, puno usab sa kadaotan ug kabuang ang huna-huna sa tawo samtang buhi pa siya, ug human niana, mamatay siya.

Ecclesiastes 9:6

Nawala na ang iyang gugma, kasilag ug kasina, ug wala na siyay labot sa tanang nahitabo dinhi sa kalibotan hangtod sa hangtod.

Isaias 55:2

Nganong mogasto man kamo sa inyong kuwarta sa dili makaon? Ug nganong maghago man kamo sa mga butang nga dili makatagbaw? Pamati kamo kanako ug makakaon kamo sa lamiang pagkaon ug mabusog gayod kamo.

Habacuc 2:13

Dili ba nga ang Makagagahom nga Ginoo mao may naglatid niini. Nga ang paghago sa tawo sugnod lang alang sa kalayo, nga ang kanasoran naningkamot alang sa wala?”

Habacuc 2:18

“Unsa may kapuslanan sa dios-dios nga gikulit sa magkukulit? O imahen nga nagtudlo ug bakak? Kay siya nga naghimo niini misalig sa iyang hinimo; naghimo siya ug dios-dios nga dili makasulti.

Mateo 16:26

Unsa man ang makuha sa tawo kon maangkon niya ang tanan nga butang dinhi sa kalibotan, apan mawala ang iyang kinabuhi? Kay wala gayod siyay ikahatag aron mabawi niya ang iyang kinabuhi.

Juan 6:27

Apan ayaw kamo paghago alang sa pagkaon nga madunot lang, kondili paghago kamo alang sa pagkaon nga molungtad ug naghatag ug kinabuhi nga walay kataposan. Ang Anak sa Tawo mao ang mohatag kaninyo niini nga pagkaon, kay siya ang gihatagan sa Dios nga Amahan sa katungod nga mohatag niini.”

1 Mga Taga-Corinto 16:16

nga magpasakop kamo kanila ug sa tanang sama kanila nga gahago.