Daniel 8:7 - Ang Pulong sa Dios

⁷ Mapungtanon niyang gisungag ang karnero hangtod nga napungil ang duha ka sungay niini. Wala na makahimo pa sa pagsukol ang karnero, busa natumba kini ug dayon iya kining gitunob-tunoban. Wala gayoy nakatabang niini.

Ang Biblia 2011

⁷ Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.

Maayong Balita Biblia

⁷ Nakita ko ang paghasmag niini ngadto sa karnero. Namungot kini pag-ayo ug gisungag niini ang karnero ug nabali ang duha ka sungay sa karnero. Ang karnero wala makasukol sa kanding ug natumba kini sa yuta ug gitamaktamakan sa kanding ug walay nakaluwas sa karnero.

Ang Bag-ong Maayong Balita Biblia

⁷ Nakita ko ang paghasmag niini ngadto sa karnero. Namungot kini pag-ayo ug gisungag niini ang karnero ug nabali ang duha ka sungay sa karnero. Ang karnero wala makasukol sa kanding ug natumba kini sa yuta ug gitamaktamakan sa kanding ug walay nakaluwas sa karnero.

Daniel 8:7 Cross References

Daniel 11:11

Tungod sa kasuko sa hari sa Ehipto, makiggubat siya sa hari sa Siria, ug pildihon niya ang daghang mga sundalo niini.

Daniel 7:12

Ang nahibilin nga tulo ka mananap gikuhaan ug gahom, apan gitugotan silang mabuhi sa mubo lang nga panahon.

Daniel 7:7

“Ang ikaupat nga mananap lahi kaysa tulo, ug adunay napulo ka sungay. Makalilisang kining tan-awon ug kusgan kaayo. Pinaagi sa iyang dagkong ngipon nga puthaw gidugmok ug gilamoy niya ang iyang mga biktima, ug gitamak-tamakan ang mga nahibilin.

Daniel 8:10

Misamot pa gayod kini ka gamhanan hangtod sa langit ug gipanghulog niini ang ubang langitnon nga mga binuhat ug mga bitoon, ug unya gitamak-tamakan.

Daniel 8:6

Gidasmagan niya gamit ang tibuok niyang kusog ang laking karnero nga adunay duha ka sungay, nga nakita kong nagtindog daplin sa suba.

Daniel 8:8

Nahimong gamhanan ang kanding. Apan sa dihang hilabihan na siya kagamhanan, napungil ang iyang dakong sungay. Puli niini mitubo ang talagsaong upat ka mga sungay nga nag-atubang sa upat ka bahin sa kalibotan.

Josue 8:20

Sa paglingi sa mga taga-Ai, nakita nila nga miulbo ang aso gikan sa lungsod. Wala na silay madaganan, kay giatubang sila pagkalit sa mga Israelinhon nga ilang gigukod paingon sa kamingawan.