Daniel 8:22 - Ang Pulong sa Dios

²² Ang upat ka sungay nga mipuli diha sa naputol nga sungay nagrepresentar sa upat ka gingharian nga mobarog diha sa maong nasod, apan dili sama ka lig-on sa unang gingharian.

Ang Biblia 2011

²² Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Maayong Balita Biblia

²² Ingon nga kining sungaya nabali, mabahin usab ang maong gingharian ngadto sa upat ka gingharian apan dili kini makatupong sa pagkagamhanan sa unang gingharian.

Ang Bag-ong Maayong Balita Biblia

²² Ingon nga kining sungaya nabali, mabahin usab ang maong gingharian ngadto sa upat ka gingharian apan dili kini makatupong sa pagkagamhanan sa unang gingharian.

Daniel 8:22 Cross References

Daniel 11:4

Sa dihang gamhanan na gayod siya kaayo, mabungkag ang iyang gingharian ug mabahin sa upat ka direksyon sa kalibotan, apan dili ang iyang mga kaliwat ang maghari niini. Ang mopuli nga mga hari dili mahimong sama kaniya kagamhanan. Sa pagkatinuod kuhaon ang iyang gingharian ug ihatag sa uban.

Daniel 7:6

“Ang ikatulo nga mananap murag leopardo. Adunay upat kini ka pako sa likod ug adunay upat ka ulo. Gihatagan siya ug katungod sa pagdumala.

Daniel 7:7

“Ang ikaupat nga mananap lahi kaysa tulo, ug adunay napulo ka sungay. Makalilisang kining tan-awon ug kusgan kaayo. Pinaagi sa iyang dagkong ngipon nga puthaw gidugmok ug gilamoy niya ang iyang mga biktima, ug gitamak-tamakan ang mga nahibilin.

Daniel 8:21

Kadtong laki nga kanding nagrepresentar sa gingharian sa Grecia, ug ang sungay nga gitaliwad-an sa iyang duha ka mata mao ang unang hari.

Daniel 8:23

“Sa kataposang mga adlaw sa ilang paghari, sa panahon nga grabe na gayod ang ilang pagpakasala, maghari ang usa ka mabangis ug limbongan nga hari.

Daniel 8:3

Unya aduna akoy nakita nga usa ka laking karnero nga nagtindog daplin sa suba. Adunay duha katag-as nga sungay, apan mas taas ang usa ka sungay niini kaysa usa bisan ug ulahi kining mitubo.

Daniel 8:8

Nahimong gamhanan ang kanding. Apan sa dihang hilabihan na siya kagamhanan, napungil ang iyang dakong sungay. Puli niini mitubo ang talagsaong upat ka mga sungay nga nag-atubang sa upat ka bahin sa kalibotan.

Zacarias 6:1

Unya nakita ko ang upat ka karwahi nga mitunga taliwala sa duha ka bukid nga bronsi.