Daniel 8:14 - Ang Pulong sa Dios

¹⁴ Mitubag kaniya ang usa ka anghel, “Molungtad kini sulod sa 2,300 ka gabii ug adlaw, ug pagkahuman hinloan ang Templo.”

Ang Biblia 2011

¹⁴ Ug siya miingon kaniya, “Hangtod sa duha ka libo ug tulo ka gatos ka gabii ug buntag, unya ang balaang dapit mahiuli sa iyang hustong kahimtang.”

Maayong Balita Biblia

¹⁴ Ug mitubag ang usa ka anghel, “1,150 ka adlaw nga dili himoon ang gabhion ug buntagon nga paghalad unya mapasig-uli ang Templo sa hustong kahimtang.”

Ang Bag-ong Maayong Balita Biblia

¹⁴ Ug mitubag ang usa ka anghel, “1,150 ka adlaw nga dili himoon ang gabhion ug buntagon nga paghalad unya mapasig-uli ang Templo sa hustong kahimtang.”

Daniel 8:14 Cross References

Genesis 1:5

Gitawag niyag “adlaw” ang kahayag ug ang kangitngit gitawag niyag “gabii.” Milabay ang kagabhion, ug unya miabot ang kabuntagon. Mao kadto ang unang adlaw.

Isaias 1:27

Pinaagi sa matarong nga paghukom sa Ginoo, luwason niya ang Jerusalem ug ang mga lumulupyo niini nga naghinulsol.

Isaias 45:25

Sa tabang sa Ginoo ang tanang mga kaliwat ni Israel modaog ug magdayeg sila kaniya.

Daniel 12:11

“Molabay ang 1,290 ka adlaw gikan sa pagpahunong sa adlaw-adlaw nga paghalad ug pagbutang sa makalilisang nga butang nga nagdalag kalaglagan.

Daniel 12:12

Bulahan kadtong maghulat ug magpabilin hangtod sa kataposan niining 1,335 ka adlaw.

Daniel 12:7

Gibayaw sa tawo nga nagbisti ug puti ang duha niya ka kamot ug nadungog ko siya nga nanumpa sa ngalan sa Dios nga nagkinabuhi sa walay kataposan. Ingon niya, “Matuman kana paglabay sa tulo ka tuig ug tunga, inigkahuman sa pagpaantos sa mga katawhan sa Dios.”

Daniel 7:25

Mosulti siya batok sa Labing Halangdon nga Dios, ug lutoson niya ang mga balaan sa Dios. Sulayan niya ang pag-usab sa mga pista ug Kasugoan. Sulod sa tulo ka tuig ug tunga itugyan ngadto kaniya ang mga balaan sa Dios.

Daniel 8:26

“Tinuod gayod ang panan-awon nga gisulti ko kanimo mahitungod niadtong pagpahunong sa buntag ug gabii nga mga paghalad. Apan ayaw lang usa kini ipanugilon kay dugay pa kining mahitabo.”

Mga Taga-Galacia 3:8

Kaniadto pa nag-ingon na ang Kasulatan nga pakamatarungon sa Dios ang mga dili Judio tungod sa ilang pagtuo kaniya. Sumala sa Kasulatan, kining Maayong Balita gipahayag sa Dios kang Abraham. Nag-ingon siya, “Panalanginan ko ang tanang mga tawo pinaagi kanimo.”

Gipadayag 11:15

Ang ikapito nga anghel mipatingog sa iyang trumpeta, ug adunay makusog nga mga tingog didto sa langit nga nag-ingon, “Karon ang atong Ginoo ug ang iyang pinili nga Mesiyas mao na ang maghari sa kalibotan. Ug ang iyang paghari walay kataposan!”

Gipadayag 12:14

Apan gihatagan ang babaye ug duha ka pako nga sama sa pako sa dakong agila, aron makalupad siya paingon sa iyang dapit didto sa kamingawan nga kon asa atimanon siya sulod sa tulo ka tuig ug tunga, ug dili siya mapasipalahan sa dragon.

Gipadayag 13:5

Gitugotan nga mosulti ang mananap ug daotan kaayo nga mga pulong ug mogahom sulod sa 42 ka bulan.