Daniel 7:24 - Ang Pulong sa Dios

²⁴ Ang napulo ka sungay mao ang napulo ka hari nga maghari niadto nga gingharian. Mopuli kanila ang usa ka hari nga lahi kay kanila, ug pildihon niya ang tulo ka hari.

Ang Biblia 2011

²⁴ Mahitungod sa napulo ka sungay, gikan niining ginghariana motindog ang napulo ka hari ug adunay lain nga motindog sunod kanila. Siya lahi sa una ug buntogon niya ang tulo ka hari.

Maayong Balita Biblia

²⁴ Ang kahulogan sa napulo ka sungay mao kini: gikan niining ginghariana motungha ang napulo ka hari, ug unya may lain pang motungha sunod kanila. Lahi siya sa nanag-una kaniya ug buntogon niya ang tulo ka hari.

Ang Bag-ong Maayong Balita Biblia

²⁴ Ang kahulogan sa napulo ka sungay mao kini: gikan niining ginghariana motungha ang napulo ka hari, ug unya may lain pang motungha sunod kanila. Lahi siya sa nanag-una kaniya ug buntogon niya ang tulo ka hari.

Daniel 7:24 Cross References

Daniel 11:36

“Himuon sa hari sa Siria ang tanang buot niyang himuon. Isipon niya ang iyang kaugalingon nga labaw sa tanang mga dios, ug magsulti siyag mga pagpasipala batok sa Dios nga labaw sa tanang mga dios. Magmalampuson siya hangtod sa panahon nga ipadayag sa Dios ang iyang kasuko, tungod kay kinahanglan gayod nga mahitabo ang mga butang nga gitakda sa Dios nga mahitabo.

Daniel 2:41

Sumala sa imong nakita, puthaw ug yutang kolonon ang mga tiil sa estatuwa. Kini nagkahulogan nga ang gingharian mabahin. Apan aduna kini kalig-on, sama sa imong nakita nga gisagol ang puthaw ug ang yutang kolonon.

Daniel 7:20

Gipangutana ko usab siya kon unsa ang kahulogan niadtong napulo ka sungay sa ikaupat nga mananap ug sa usa pa ka sungay nga mitubo ug nakapaibot sa tulo ka sungay. Kining sungaya adunay mga mata ug baba nga nanghambog, ug kon tan-awon mas gamhanan siya kaysa uban nga mga sungay.

Daniel 7:23

“Unya, mao kini ang iyang gisulti kanako: Ang ikaupat nga mananap mao ang ikaupat nga gingharian nga mogahom dinhi sa kalibotan ug lahi kini sa ubang mga gingharian. Sulongon ug gun-ubon niya ang tibuok kalibotan.

Gipadayag 12:3

Adunay usa pa gayod ka kahibulongang butang nga akong nakita sa langit. Duol sa babaye adunay dakong dragon nga pula nga adunay pito ka ulo ug napulo ka sungay, ug sa matag ulo adunay korona. Gikahig sa iyang ikog ang ikatulo nga bahin sa mga bitoon ug gipanglabay sa yuta. Nagtindog siya atubangan sa babaye nga manganakay aron pag-anak sa babaye kaonon dayon niya ang bata.

Gipadayag 13:1

Unya aduna akoy nakita nga mananap nga mitungha gikan sa dagat. Aduna kini pito ka ulo ug napulo ka sungay. Matag sungay adunay korona, ug sa matag ulo adunay nasulat nga ngalan nga nagpasipala sa Dios.

Gipadayag 17:3

Unya, gigamhan ako sa Espiritu ug gidala ako sa anghel sa kamingawan. Didto aduna akoy nakitang babaye nga nagsakay sa pula nga mananap. Pito ang ulo sa mananap ug napulo ang iyang sungay, ug sa tibuok niyang lawas adunay nakasulat nga mga ngalan nga nagpasipala sa Dios.