Daniel 3:25 - Ang Pulong sa Dios

²⁵ Miingon ang hari, “Tan-awa ninyo! Upat ang nakita ko nga naglakaw-lakaw sa kalayo. Dili na sila ginapos ug wala sila maunsa. Ang usa kanila murag anghel.”

Ang Biblia 2011

²⁵ Siya mitubag, “Apan nakakita ako ug upat ka tawo nga walay gapos nga nanglakaw taliwala sa kalayo ug sila wala maunsa ug ang dagway sa ikaupat sama sa usa ka anak sa mga dios.”

Maayong Balita Biblia

²⁵ Ug giingnan sila sa hari, “Apan upat ka tawo ang nakita ko nga walay gapos ug naglakawlakaw taliwala sa kalayo ug wala sila maunsa, ug ang panagway sa ikaupat sama sa usa ka anghel.”

Ang Bag-ong Maayong Balita Biblia

²⁵ Ug giingnan sila sa hari, “Apan upat ka tawo ang nakita ko nga walay gapos ug naglakawlakaw taliwala sa kalayo ug wala sila maunsa, ug ang panagway sa ikaupat sama sa usa ka anghel.”

Daniel 3:25 Cross References

Job 1:6

Usa ka adlaw, nagtigom ang mga anghel sa presensya sa Ginoo, ug nikuyog kanila si Satanas.

Job 38:7

samtang naghiusang nag-awit ang mga bitoon sa kabuntagon ug naghugyaw sa kalipay ang tanan nga anghel?

Job 5:19

Sa kanunay luwason niya ikaw gikan sa kalamidad ug katalagman.

Salmo 34:7

Ang anghel sa Ginoo nagbantay sa mga nagtahod sa Ginoo, ug moluwas kanila sa katalagman.

Mga Panultihon 30:4

Adunay tawo bang nakasaka sa langit ug nanaog? Adunay tawo bang nakakumkom sa hangin o nakaputos ug tubig sa iyang bisti? Adunay tawo bang nagpahimutang sa mga utlanan sa kalibotan? Kon anaa, sultihi ako kon kinsay iyang ngalan ug unsay ngalan sa iyang mga anak.

Isaias 43:2

Kon moagi ka sa tubig, mouban ako kanimo. Kon motabok ka sa mga suba dili ka malumos. Kon moagi ka sa kalayo, dili ka mapaso; ang dilaab niini dili makalamoy kanimo.

Jeremias 1:19

Makig-away sila kanimo, apan dili ka nila mapildi, kay kauban mo ako ug tabangan ka nako. Ako, ang  Ginoo, ang nag-ingon niini.”

Jeremias 1:8

Ayaw kahadlok sa mga tawo kay kauban mo ako ug tabangan ka nako. Ako, ang  Ginoo, ang nag-ingon niini.”

Jeremias 15:21

Luwason ka nako gikan sa kamot sa daotan ug bangis nga mga tawo.”

Daniel 3:18

Apan kon dili niya kami luwason, dili gihapon kami moalagad sa imong mga dios o mosimba sa estatuwa nga bulawan nga imong gipatindog.”

Daniel 3:24

Samtang nagtan-aw si Haring Nebucadnezar kalit nga nakatindog siya sa dakong katingala. Nangutana siya sa iyang mga opisyal, “Dili ba tulo man ka tawong ginapos ang atong gilabay sa kalayo?” Mitubag sila, “Oo, Mahal nga Hari.”

Daniel 3:28

Tungod niadto miingon ang hari, “Dalaygon ang Dios nila ni Shadrach, Meshach, ug Abednego. Gipadala niya ang iyang anghel aron luwason ang iyang mga alagad nga misalig kaniya. Wala sila mosunod sa akong sugo nga mosimba sa estatuwa, ug mas gipalabi pa nila nga ilabay sila sa kalayo kaysa mosimba sa bisan unsang dios gawas sa ilang Dios.

Daniel 6:23

Nalipay pag-ayo ang hari ug nimando siya nga kuhaon si Daniel gikan sa bangag. Sa dihang nakuha na si Daniel, wala gayod silay nakita nga bisan gamay lang nga samad o garas sa iyang lawas, tungod kay misalig siya sa Dios.

Marcos 16:18

kon makakupot sila ug mga bitin o kaha makainom sa bisan unsa nga hilo dili sila maunsa; ug kon ipandong nila ang ilang mga kamot sa mga masakiton, mangaayo kini.”

Lucas 1:35

Mitubag ang anghel, “Mokunsad kanimo ang Espiritu Santo ug ang gahom sa Labing Halangdong Dios magpabilin kanimo. Busa ang balaan nga bata nga imong ipanganak pagailhon nga Anak sa Dios.

Mga Buhat 28:5

Apan giwakli lamang ni Pablo ang bitin ngadto sa kalayo ug wala siya maunsa.

1 Pedro 3:13

Kinsa bay mopasipala kaninyo kon gusto gayod ninyo magbuhat kanunay ug maayo?