Daniel 2:41 - Ang Pulong sa Dios

⁴¹ Sumala sa imong nakita, puthaw ug yutang kolonon ang mga tiil sa estatuwa. Kini nagkahulogan nga ang gingharian mabahin. Apan aduna kini kalig-on, sama sa imong nakita nga gisagol ang puthaw ug ang yutang kolonon.

Ang Biblia 2011

⁴¹ Sa imong nakita nga ang mga tiil ug mga tudlo sa tiil, ang ubang bahin yutang kulonon ug ang ubang bahin puthaw, kini mahimo nga gingharian nga nabahin apan anaa niini ang kalig-on sa puthaw, sama sa imong nakita sa puthaw nga gisagolan sa yuta nga kulonon.

Maayong Balita Biblia

⁴¹ Ug sama sa nakita nimo nga ang iyang tiil hinimo gikan sa yuta nga kulonon ug sa puthaw, kining ginghariana mabahin apan anaa kaniya ang kalig-on sa puthaw sama sa nakita mo nga ang puthaw gisagol sa yuta nga kulonon.

Ang Bag-ong Maayong Balita Biblia

⁴¹ Ug sama sa nakita nimo nga ang iyang tiil hinimo gikan sa yuta nga kulonon ug sa puthaw, kining ginghariana mabahin apan anaa kaniya ang kalig-on sa puthaw sama sa nakita mo nga ang puthaw gisagol sa yuta nga kulonon.

Daniel 2:41 Cross References

Daniel 2:40

Ang ikaupat nga gingharian sama kalig-on sa puthaw. Kay sama nga ang puthaw makadugmok sa tanan, kini nga gingharian modugmok usab sa uban nga gingharian.

Daniel 2:42

Ang puthaw ug yutang kolonon nga mga tudlo sa tiil nagkahulogan nga adunay parte niini nga gingharian nga lig-on ug adunay parte nga dali rang mapukan.

Daniel 7:24

Ang napulo ka sungay mao ang napulo ka hari nga maghari niadto nga gingharian. Mopuli kanila ang usa ka hari nga lahi kay kanila, ug pildihon niya ang tulo ka hari.

Daniel 7:7

“Ang ikaupat nga mananap lahi kaysa tulo, ug adunay napulo ka sungay. Makalilisang kining tan-awon ug kusgan kaayo. Pinaagi sa iyang dagkong ngipon nga puthaw gidugmok ug gilamoy niya ang iyang mga biktima, ug gitamak-tamakan ang mga nahibilin.

Gipadayag 12:3

Adunay usa pa gayod ka kahibulongang butang nga akong nakita sa langit. Duol sa babaye adunay dakong dragon nga pula nga adunay pito ka ulo ug napulo ka sungay, ug sa matag ulo adunay korona. Gikahig sa iyang ikog ang ikatulo nga bahin sa mga bitoon ug gipanglabay sa yuta. Nagtindog siya atubangan sa babaye nga manganakay aron pag-anak sa babaye kaonon dayon niya ang bata.

Gipadayag 13:1

Unya aduna akoy nakita nga mananap nga mitungha gikan sa dagat. Aduna kini pito ka ulo ug napulo ka sungay. Matag sungay adunay korona, ug sa matag ulo adunay nasulat nga ngalan nga nagpasipala sa Dios.

Gipadayag 17:12

“Ang napulo ka sungay nga imong nakita mao ang napulo ka hari nga wala pa magsugod sa ilang paghari. Kini sila hatagan ug gahom sa paghari uban sa mananap, apan sa mubo lang nga panahon.