Daniel 12:6 - Ang Pulong sa Dios

⁶ Nangutana ang usa kanila sa tawo nga nagbisti ug puti nga nagtindog ibabaw sa tubig sa suba. Ingon niya, “Unsa pa kadugay ayha matuman kanang katingalahang mga panghitabo?”

Ang Biblia 2011

⁶ Ug ako miingon sa tawo nga nagsul-ob ug lino, nga didto sa ibabaw sa katubigan sa suba, “Unsa ba ang gidugayon hangtod sa kataposan niining mga katingalahan?”

Maayong Balita Biblia

⁶ Ang usa kanila nangutana sa anghel nga nagbarog daplin sa ibabaw nga bahin sa suba, “Kanus-a pa ba matapos kining kahibulongang butang nga akong nakita?”

Ang Bag-ong Maayong Balita Biblia

⁶ Ang usa kanila nangutana sa anghel nga nagbarog daplin sa ibabaw nga bahin sa suba, “Kanus-a pa ba matapos kining kahibulongang butang nga akong nakita?”

Daniel 12:6 Cross References

Salmo 74:9

Wala nay timailhan sa imong presensya dinhi kanamo; wala nay propeta nga nahibilin, ug walay nakahibalo kanamo kon kanus-a mahuman kining nangahitabo kanamo.

Ezequiel 9:2

Unya aduna akoy nakita nga unom ka tawo nga misulod gikan sa amihan nga pultahan sa Templo nga ang matag-usa kanila adunay dalang armas. Aduna silay kauban nga tawo nga nagsuot ug lino, ug nagtak-in kinig sudlanan sa pangsulat. Mitindog sila kilid sa halaran nga bronsi.

Daniel 12:5

Pagkahuman niyag sulti niadto, aduna pa gayod akoy nakita nga duha ka tawo nga nagtindog sa isigka-daplin sa suba.

Daniel 12:8

Wala ko masabti ang iyang tubag, busa nangutana ako kaniya, “Sir, unsa ba gayod ang mahimong resulta niining tanan?”

Daniel 8:13

Unya aduna akoy nadunggan nga duha ka anghel nga nagsultihanay. Nangutana ang usa ka anghel sa usa, “Unsa kaha kadugay molungtad kining mga panghitabo sa panan-awon mahitungod sa pagpaundang sa adlaw-adlaw nga paghalad, sa paglapas ug pagpanamastamas sa Templo, ug ang pagtunob-tunob sa langitnon nga mga binuhat?”

Daniel 8:16

Unya aduna akoy nadunggan nga tingog sa tawo gikan sa Suba sa Ulai nga nag-ingon, “Gabriel, isulti kaniya ang kahulogan sa panan-awon.”

Mateo 24:3

Samtang naglingkod si Jesus didto sa Bukid sa mga Olibo, miduol kaniya ang iyang mga tinun-an nga sila-sila lang. Miingon sila, “Sultihi kami kon kanus-a mahitabo ang imong giingon? Ug unsa ba ang mga timailhan nga ikaw hapit na mobalik dinhi ug nga kataposan na sa kalibotan?”

Marcos 13:4

“Sultihi kami, kanus-a mahitabo ang imong giingon? Ug unsa ba ang mga timailhan nga hapit na kining tanan mahitabo?”

Mga Taga-Efeso 3:10

aron pinaagi sa mga tumutuo ikapakita niya karon sa mga pangulo ug sa mga adunay gahom sa kalangitan kon unsa gayod ang iyang kaalam nga iyang gipadayag sa nagkalain-lain nga pamaagi.

1 Pedro 1:12

Gipahibalo usab sila sa Dios nga ang ilang gipanulti dili alang sa ilang kaayohan kondili alang kanato. Ug karon ang ilang mga panagna nadungog na ninyo gikan sa mga nagsangyaw sa Maayong Balita. Nagsulti sila kaninyo pinaagi sa gahom sa Espiritu Santo nga gipadala kanila gikan sa langit. Ug bisan ang mga anghel gusto nga makasabot niining Maayong Balita nga gisulti kaninyo.

Gipadayag 15:6

Ug gikan didto sa templo migawas ang pito ka anghel nga nagdala sa pito ka katalagman. Nagbisti silag puti nga panapton nga hinlo ug sinaw ug diha sa ilang dughan adunay bakos nga bulawan.

Gipadayag 19:14

Adunay nagsunod kaniya nga mga sundalo nga gikan sa langit, nga nagsakay usab sa puti nga mga kabayo, ug ang ilang bisti lino nga limpyo ug puti.

Gipadayag 6:10

Naninggit silag kusog, “Ginoo nga Makagagahom, balaan ug kasaligan! Kanus-a mo pa ba hukman ug silotan ang mga tawo sa kalibotan tungod sa ilang pagpatay kanamo?”