Daniel 11:30 - Ang Pulong sa Dios

³⁰ Sakay sa mga barko, sulongon sa mga taga-Kitim ang hari sa Siria. Tungod sa kalisang, moatras ang hari sa Siria, ug pahimungtan niya ang mga katawhan nga nagtuman sa balaan nga kasabotan. Pagkahuman mopauli siya, ug hatagan niyag pabor kadtong mga nagsalikway sa balaan nga kasabotan.

Ang Biblia 2011

³⁰ Kay ang mga sakayan sa Kittim mosulong batok kaniya ug siya mahadlok ug mosibog, unya siya mobalik ug masuko ug magbuhat batok sa balaang kasabotan. Siya mobalik niadtong nagsalikway sa balaang kasabotan.

Maayong Balita Biblia

³⁰ Ang mga Romanhon, sakay sa ilang barko, mosulong kaniya ug tungod sa kahadlok mosibog siya nga masuko pag-ayo ug maoy iyang pahimungtan ang katawhan sa Dios. Sa iyang pagpauli ang iyang patalinghogan mao ang mga tawong nagsalikway sa kasabotan sa Dios.

Ang Bag-ong Maayong Balita Biblia

³⁰ Ang mga Romanhon, sakay sa ilang barko, mosulong kaniya ug tungod sa kahadlok mosibog siya nga masuko pag-ayo ug maoy iyang pahimungtan ang katawhan sa Dios. Sa iyang pagpauli ang iyang patalinghogan mao ang mga tawong nagsalikway sa kasabotan sa Dios.

Daniel 11:30 Cross References

Genesis 10:4

Ang mga anak ni Javan sila si Elisha, Tarshish, Kitim, ug Dodanim.

1 Cronicas 1:7

Ang mga anak ni Javan sila si Elisha, Tarshish, Kitim, ug Rodanim.

Nehemias 6:12

Nasabtan ko nga dili ang Dios ang nagpadala kaniya. Gisuholan lang siya ni Sanbalat ug ni Tobia nga isulti kadto kanako.

Isaias 23:1

Mao kini ang mensahe bahin sa Tiro: Panghilak kamong mga naglawig sa Tarshish kay naguba na ang inyong pantalan sa Tiro! Gisugilon na kini kaninyo sa mga naggikan sa Cipro.

Isaias 23:12

Miingon ang  Ginoo, “Mga lumulupyo sa Sidon, human na ang inyong paglipay. Nalaglag na kamo! Bisan magpahilayo kamo ngadto sa Cipro, wala gihapon kamoy kapahulayan didto.”

Jeremias 2:10

Pangadto kamo sa kasadpan, sa mga isla sa Cipro, ug pangadto usab kamo sa sidlakan, sa yuta sa Kedar. Susiha ninyo pag-ayo kon aduna bay nahitabo nga sama niini:

Ezequiel 27:6

Ang imo nga mga bugsay hinimo gikan sa mga kahoy nga terebinto nga gikan sa Basan. Ug ang imo nga salog hinimo sa mga kahoy nga gikan sa mga isla sa Kitim, ug gihaklapan kini sa materyales nga gikan sa bangkil sa elepante.

Daniel 11:28

Mopauli ang hari sa Siria sa iyang dapit dala ang daghang mga bahandi. Apan magtinguha siya sa paglutos sa relihiyon sa mga katawhan sa Dios. Buhaton niya ang iyang gusto ug human niini, mopauli siya sa iyang dapit.

Daniel 11:29

“Sa gitakda nga panahon, sulongon pag-usab sa hari sa Siria ang Ehipto, apan ang mahitabo niining higayona dili na sama sa nahitabo sa una:

Daniel 7:25

Mosulti siya batok sa Labing Halangdon nga Dios, ug lutoson niya ang mga balaan sa Dios. Sulayan niya ang pag-usab sa mga pista ug Kasugoan. Sulod sa tulo ka tuig ug tunga itugyan ngadto kaniya ang mga balaan sa Dios.

Numeros 24:24

Mangabot ang mga barko nga gikan sa Kitim, ug sakopon nila ang mga katawhan sa Asiria ug Eber, apan ang Kitim malaglag usab.”

Mateo 24:10

Ug kon moabot na ang mga paglutos, daghan ang motalikod sa ilang pagtuo. Dumtan nila ug luiban ang ilang isigka-tumutuo.

Gipadayag 12:12

Busa paglipay kamo, kamo nga nagpuyo sa langit. Apan alaot kamong mga nagpuyo sa yuta ug sa dagat, tungod kay mikanaog na ang Yawa diha kaninyo. Nasuko siya pag-ayo tungod kay nahibaloan niya nga mubo na lang gayod ang iyang panahon nga nahibilin.”