Daniel 11:26 - Ang Pulong sa Dios

²⁶ Unayon siya sa iya mismong mga tawo. Busa mapildi ang iyang mga sundalo ug daghan kanila ang mangamatay.

Ang Biblia 2011

²⁶ Bisan kadtong nagkaon sa iyang mahalon nga pagkaon mahimong kaalaotan, ang iyang kasundalohan paphaon ug daghan ang mangapukan nga gipamatay.

Maayong Balita Biblia

²⁶ Bisan gani ang suod niyang magtatambag magluib kaniya busa mahiagom sa kaparotan ang iyang kasundalohan ug daghan kanila ang mangamatay.

Ang Bag-ong Maayong Balita Biblia

²⁶ Bisan gani ang suod niyang magtatambag magluib kaniya busa mahiagom sa kaparotan ang iyang kasundalohan ug daghan kanila ang mangamatay.

Daniel 11:26 Cross References

2 Mga Hari 8:14

Mibalik si Hazael sa iyang agalon nga si Ben Hadad ug gipangutana siya niini, “Unsa may giingon ni Eliseo kanimo?” Mitubag si Hazael, “Miingon siya kanako nga sigurado nga mamaayo ka.”

Salmo 41:9

Bisan ang suod kong higala nga gisaligan ko pag-ayo ug nakigsalo kanako sa pagkaon nagluib kanako.

Daniel 11:10

“Magtigom ug daghang mga sundalo ang mga anak sa hari sa Siria aron pangandaman ang pagpakig-gira. Mosulong sila nga daw baha nga dili mapugngan hangtod sa pinarilan nga lungsod sa hari sa Ehipto.

Daniel 11:22

Daghang kasundalohan ang iyang laglagon, ug patyon niya lakip ang pangulong pari.

Daniel 11:40

“Pag-abot sa kataposan, makiggubat ang hari sa Ehipto sa hari sa Siria. Apan sulongon siya sa hari sa Siria nga adunay mga karwahi ug mga tigkabayo ug daghang mga barko. Sulongon niya nga daw baha ang daghang mga nasod ug laglagon.

Mateo 26:23

Mitubag si Jesus kanila, “Ang usa nga uban kanako nga nagtuslob ug pan sa yahong mao ang moluib kanako.

Marcos 14:20

Miingon si Jesus kanila, “Ang magluib kanako usa kaninyong dose mao ang motuslob ug pan sa yahong uban kanako.

Juan 13:18

“Wala ako moingon nga bulahan kamong tanan, kay nakaila ako sa akong mga pinili. Apan kinahanglan nga matuman ang giingon sa Kasulatan nga ‘ang tawo nga nakigsalo kanako sa pagkaon mao pa ang magtraydor kanako.’