Daniel 11:24 - Ang Pulong sa Dios

²⁴ Kalitan niya pagsulong ang mauswagong mga dapit sa usa ka probinsya, ug himuon niya ang wala mahimo sa iyang mga katigulangan kaniadto. Bahin-bahinon niya ngadto sa iyang sumusunod ang mga butang nga nailog niya gikan sa gira. Magplano siya sa pagsulong sa pinarilan nga mga lungsod, apan dili magdugay kining tanan.

Ang Biblia 2011

²⁴ Sa walay pagpasidaan siya mosulong ngadto sa labing dato nga mga dapit sa lalawigan ug buhaton niya kadtong wala buhata sa iyang katigulangan o sa mga amahan sa iyang katigulangan, katagon sa taliwala nila ang linungkab, ang inilog ug ang mga katigayonan. Siya magmugna ug mga laraw batok sa mga kuta, apan alang lamang sa usa ka panahon.

Maayong Balita Biblia

²⁴ Unya sa kalit sulongon niya ang tanang bahandianong kalungsoran sa lalawigan ug buhaton niya ang wala buhata sa iyang mga katigulangan. Bahinbahinon niya ngadto sa iyang ginsakopan ang mga butang nga iyang nailog sa gubat. Maglaraw siya pagsulong sa mga kota apan sa dili madugay matapos ang iyang paghari.

Ang Bag-ong Maayong Balita Biblia

²⁴ Unya sa kalit sulongon niya ang tanang bahandianong kalungsoran sa lalawigan ug buhaton niya ang wala buhata sa iyang mga katigulangan. Bahinbahinon niya ngadto sa iyang ginsakopan ang mga butang nga iyang nailog sa gubat. Maglaraw siya pagsulong sa mga kota apan sa dili madugay matapos ang iyang paghari.

Daniel 11:24 Cross References

Nehemias 9:25

Giilog sa imong katawhan ang pinarilan nga mga lungsod ug ang mabungahong mga yuta. Giilog usab nila ang mga balay nga puno sa maayong mga butang, mga atabay, mga ubasan, mga tamnanan sa olibo, ug ang mga punoan sa kahoy nga labihan kadaghan ug prutas. Nangaon sila kutob sa ilang gusto ug nanambok. Nagpakabuhong sila sa imong labihan nga kaayo nga gipakita kanila.

Mga Panultihon 17:8

Nagtuo ang uban nga ang suborno sama sa madyik nga magpasayon sa tanan.

Mga Panultihon 19:6

Daghan ang makighigala sa mga iladong tawo aron paboran sila, ug ang tanang mga tawo makighigala sa manggihatagon.

Mga Panultihon 23:7

Kay ang tawo nga sama niana maniid kon unsa kadaghan imong gikaon. Moingon siya, “Sige, kaon pa.” Apan dili diay kinasing-kasing ang iyang gisulti.

Ezequiel 34:14

Pasab-sabon ko sila sa maayo nga sabsabanan sa kabukiran sa Israel. Didto manghigda sila ug manabsab.

Ezequiel 38:10

Nagpadayon sa pag-ingon ang Ginoong Dios: “Nianang higayona magplano kag daotan.

Daniel 11:23

Makighiusa siya sa uban nga mga nasod ug pagkahuman limbongan niya sila. Mahimo siyang gamhanan bisan kon gamay lang ang iyang gingharian.

Daniel 7:25

Mosulti siya batok sa Labing Halangdon nga Dios, ug lutoson niya ang mga balaan sa Dios. Sulayan niya ang pag-usab sa mga pista ug Kasugoan. Sulod sa tulo ka tuig ug tunga itugyan ngadto kaniya ang mga balaan sa Dios.

Numeros 13:20

Tan-awa ninyo kon tambok ba ang ilang yuta o dili, ug kon aduna bay kakahoyan o wala. Ug paningkamoti gayod ninyo nga makadala ug mga prutas sa inyong pagbalik.” (Panahon kadto sa tinghinog sa unang bunga sa ubas.)

Mateo 9:4

Nasayod si Jesus sa ilang gihuna-huna, busa miingon siya kanila, “Nganong naghuna-huna man kamog daotan?

Mga Maghuhukom 9:4

Gihatagan nila si Abimelec ug 70 kabuok nga pilak gikan sa templo ni Baal Berit, ug gigamit niya kini sa pagsuhol ug mga bugoy nga mosunod kaniya.