Daniel 11:16 - Ang Pulong sa Dios

¹⁶ Busa himuon sa hari sa Siria ang bisan unsa nga gusto niya nga himuon, ug wala gayoy makapugong kaniya. Sakopon niya ang Israel, ug hingpit kini nga mailalom sa iyang gahom.

Ang Biblia 2011

¹⁶ Apan siya nga mosulong kaniya magbuhat sumala sa iyang kaugalingong kabubut-on ug walay makasukol sa iyang atubangan ug siya motindog sa mahimayaong yuta, ug ang tanan niini mailalom sa iyang gahom.

Maayong Balita Biblia

¹⁶ Busa buhaton sa taga-Siria bisag unsay iyang gusto kay wala may makapugong kaniya. Mobarog siya diha sa yuta sa Saad ug mailalom kini sa iyang gahom sa hingpit.

Ang Bag-ong Maayong Balita Biblia

¹⁶ Busa buhaton sa taga-Siria bisag unsay iyang gusto kay wala may makapugong kaniya. Mobarog siya diha sa yuta sa Saad ug mailalom kini sa iyang gahom sa hingpit.

Daniel 11:16 Cross References

Isaias 8:8

Maghaguros sila sa Juda ug lukopon nila ang tibuok yuta nga daw sa gilunopan kinig tubig nga taga-liog kalawom.” Apan sa gihapon, ang Dios kauban namo!

Jeremias 3:19

“Miingon ako sa akong kaugalingon, “ ‘Malipay gayod ako nga moila kaninyo nga akong mga anak, ug hatagan ko kamog maayong yuta, ang labing maanindot nga panulondon sa tibuok kalibotan.’ Abi kog tawgon ninyo akog ‘Amahan,’ ug dili na kamo mobiya kanako.

Daniel 11:3

Unya, adunay moabot nga usa ka gamhanan nga hari. Sakopon niya ang daghang mga nasod, ug himuon niya ang iyang gustong himuon.

Daniel 11:36

“Himuon sa hari sa Siria ang tanang buot niyang himuon. Isipon niya ang iyang kaugalingon nga labaw sa tanang mga dios, ug magsulti siyag mga pagpasipala batok sa Dios nga labaw sa tanang mga dios. Magmalampuson siya hangtod sa panahon nga ipadayag sa Dios ang iyang kasuko, tungod kay kinahanglan gayod nga mahitabo ang mga butang nga gitakda sa Dios nga mahitabo.

Daniel 11:41

Sulongon niya lakip ang Israel, ug daghang mga tawo ang mangamatay. Apan makaikyas ang Edom, ang Moab, ug ang mga pangulo sa mga Amonihanon.

Daniel 11:45

Magpatindog siya sa iyang harianon nga tolda sa tunga-tunga sa dagat ug sa matahom ug balaan nga bukid. Mamatay siya nga wala gayoy motabang kaniya.”

Daniel 5:19

Tungod sa gahom nga gihatag sa Dios kaniya, nahadlok kaniya ang mga tawo gikan sa nagkalain-laing mga nasod, tribo, ug pinulongan. Patyon niya si bisan kinsa nga buot niyang patyon. Ug ang gusto niyang magpabilin nga buhi, mabuhi. Pasidunggan niya ang gusto niyang pasidunggan; ipaubos niya ang gusto niyang ipaubos.

Daniel 8:4

Nakita ko siya nga mipaingon sa kasadpan, amihan ug habagatan, ug nanungag bisan asa. Walay ubang mananap nga makapugong kaniya ug walay makaikyas gikan kaniya. Nagpatuyang siya sa paghimo sa iyang gusto ug nahimo siyang gamhanan.

Daniel 8:7

Mapungtanon niyang gisungag ang karnero hangtod nga napungil ang duha ka sungay niini. Wala na makahimo pa sa pagsukol ang karnero, busa natumba kini ug dayon iya kining gitunob-tunoban. Wala gayoy nakatabang niini.

Daniel 8:9

Gikan sa usa kanila mitubo ang usa ka gamay nga sungay. Nahimo kining gamhanan sa habagatan ug sa sidlakan ug sa matahom nga yuta sa Israel.

Josue 1:5

“Walay makapildi kanimo sa tibuok mong kinabuhi. Mag-uban ako kanimo sama sa akong pag-uban kang Moises. Dili ka nako biyaan o pasagdan.