Amos 8:9 - Ang Pulong sa Dios

⁹ “Nianang adlawa nga silotan ko kamo, pasalopon ko ang adlaw sa panahon sa kaudtohon, busa mongitngit bisan ug adlaw pa. Ako, ang Ginoong Dios, ang nag-ingon niini.

Ang Biblia 2011

⁹ “Nianang adlawa,” nag-ingon ang Ginoong Dios, “Himoon nako nga ang adlaw mosalop sa kaudtohon ug akong pangitngitan ang yuta sa adlawang dako.

Maayong Balita Biblia

⁹ Niadtong adlawa pasalupon ko ang adlaw bisag udto pa ug pangitngiton ko ang kalibotan sa adlawng dako. Ako, ang Ginoong Dios, nag-ingon niini.

Ang Bag-ong Maayong Balita Biblia

⁹ Niadtong adlawa pasalupon ko ang adlaw bisag udto pa ug pangitngiton ko ang kalibotan sa adlawng dako. Ako, ang Ginoong Dios, nag-ingon niini.

Amos 8:9 Cross References

Job 5:14

Mangitngitan sila bisag adlawng dako, ug magpangapkap sila bisag udtong tutok.

Isaias 13:10

Dili na mohatag sa ilang kahayag ang mga bitoon. Mosubang ang adlaw nga walay kahayag ug ang bulan dili usab mohatag ug kahayag.

Jeremias 13:16

Pasidunggi ninyo ang  Ginoo nga inyong Dios sa dili pa niya ipadala ang kangitngit, ug sa dili pa kamo mapandol sa mangitngit nga mga bukid. Ang kahayag nga inyong gilaoman himuon niyang labihan kangitngit.

Jeremias 15:9

Malipong ug halos dili na makaginhawa ang inahan nga mamatyan ug pito ka anak nga lalaki. Ang iyang mga anak pareha sa adlaw nga misalop ug sayo. Maulawan gayod siya kay mawad-an siyag mga anak. Ug ang mahibiling buhi ipapatay ko pa sa ilang mga kaaway. Ako, ang  Ginoo, ang nag-ingon niini.”

Ezequiel 32:7

Kon wagtangon ko na ikaw, salipdan ko sa mga panganod ang langit, busa dili na mohayag ang mga bitoon, ang adlaw, ug ang bulan.

Amos 4:13

Ang Dios mao ang naghimo sa mga bukid ug sa hangin, ug siya usab ang naghimo sa kabuntagon ug kagabhion. Gipadayag niya sa tawo ang iyang mga plano, ug siya ang naggahom sa tibuok kalibotan. Ginoong Dios nga Makagagahom ang iyang ngalan.

Amos 5:8

Ang Dios mao ang naghimo sa mga grupo sa bitoon nga gitawag ug Pliades ug Orion. Siya ang nagbuot nga mahimong kahayag ang kangitngit, ug mahimong adlaw ang gabii. Siya ang nagtigom sa tubig sa dagat diha sa mga panganod ug gipaulan niya kini diha sa yuta. Ang iyang ngalan mao ang  Ginoo.

Miqueas 3:6

Tungod kay gipahisalaag ninyo ang akong katawhan, dili na kamo makakita ug panan-awon ug dili na usab kamo makapanagna. Daw sama lang nga anaa kamo sa kangitngit o kagabhion nga wala kamoy makita.

Zacarias 14:7

Pinasahi kini nga adlaw, kay walay gabii kondili kanunay lang adlaw. Ang Ginoo lang ang nakahibalo kon kanus-a kini mahitabo.

Mateo 24:29

“Pagkahuman sa mga kasakitan nianang panahona, “ ‘mawad-an ug kahayag ang adlaw, ang bulan dili na modan-ag, ug ang mga bitoon mangahulog. Ang mga butang sa kalangitan pahisalaagon gikan sa ilang naandan nga agianan.’

Mateo 27:45

Gikan sa alas dose sa udto, mingitngit ang kalibotan sulod sa tulo ka oras.

Marcos 15:33

Sa dihang miabot ang alas dose sa udto, mingitngit ang kalibotan hangtod alas tres.

Lucas 23:44

Sa mga alas dose na sa udto, wala na mosidlak ang adlaw. Mingitngit ang tibuok kalibotan sulod sa tulo ka oras. Ang tabil sa templo napikas gikan sa ibabaw paubos.

Gipadayag 6:12

Unya, ang ikaunom na nga silyo ang gitangtang sa Karnero. Diha-diha milinog ug kusog. Miitom ang adlaw sama sa itom nga panapton, ug mipula ang bulan sama sa dugo.

Gipadayag 8:12

Ug ang ikaupat nga anghel mipatingog sa iyang trumpeta, ug ang nahitabo, naigo ang ikatulong bahin sa adlaw, ang ikatulong bahin sa bulan, ug ang ikatulong bahin sa mga bitoon, ug nawala ang ikatulong bahin sa ilang kahayag. Busa mingitngit ang ikatulong bahin sa adlaw ug ang ikatulong bahin sa gabii.