Amos 4:2 - Ang Pulong sa Dios

² Nag-ingon ang Ginoong Dios, “Sa akong pagkabalaan, ipanumpa ko nga moabot gayod ang adlaw nga bihagon kamo sa inyong mga kaaway. Ang matag-usa kaninyo mahisama sa isda nga nabingwitan.

Ang Biblia 2011

² Ang Ginoong Dios nanumpa pinaagi sa iyang pagkabalaan nga, ang mga adlaw modangat kaninyo, nga kamo kuhaon nila pinaagi sa mga kaw-it, bisan ang kataposan kaninyo pinaagi sa mga taga.

Maayong Balita Biblia

² Ang Ginoong Dios balaan busa nagsaad siya, “Moabot gayod ang adlaw nga guyoron kamo pinaagi sa galong ug ang matag usa kaninyo mahisama sa isda nga nakuha sa taga.

Ang Bag-ong Maayong Balita Biblia

² Ang Ginoong Dios balaan busa nagsaad siya, “Moabot gayod ang adlaw nga guyoron kamo pinaagi sa galong ug ang matag usa kaninyo mahisama sa isda nga nakuha sa taga.

Amos 4:2 Cross References

Salmo 89:35

Sa akong balaang ngalan, misaad na ako sa makausa lamang, ug dili gayod ako mamakak kang David.

Salmo 89:36

Ang matag hari sa Israel maggikan sa iyang mga kaliwat hangtod sa kahangtoran. Ang iyang gingharian molungtad diha sa akong presensya sama sa adlaw;

Isaias 37:29

Tungod kay napungot ka kanako ug nadunggan ko ang imong pagpasigarbo, kaw-itan ko ang imong ilong ug busalan ko ang imong baba, ug guyoron balik sa imong gigikanan, sa dalan nga imong giagian.”

Jeremias 16:16

“Apan sa pagkakaron, padad-an ko una silag daghang kaaway nga daw mga mangingisda nga modakop kanila. Human niana, magpadala akog mga kaaway nga daw mga mangangayam nga mangita kanila sa mga bukid, mga bungtod, ug mga kabatoan.

Ezequiel 29:4

Apan kaw-itan kog mga taga ang imo nga apapangig, ug haw-ason ka nako gikan sa imo nga mga suba uban sa mga isda nga namilit sa imo nga mga himbis.

Ezequiel 34:16

Pangitaon ko kadtong nangawala ug nangahisalaag. Butangan kog bendahi ang nangapiang ug pabaskogon ang mga maluya. Apan laglagon ko ang mga tambok ug baskog. Himuon ko kon unsay angay alang kanila.

Ezequiel 38:4

Tuyokon ka nako ug kaw-itag mga taga ang imo nga apapangig, ug guyoron uban sa tanan mo nga mga sundalo. Andamon ko alang sa gubat ang imo nga mga kabayo, mga tigkabayo nga armado, ug ang imo nga daghang mga sundalo nga adunay dagko ug gagmay nga mga taming ug tanan armado sa espada.

Amos 6:8

Nanumpa ang Ginoong Dios, ang Dios nga Makagagahom. Miingon siya, “Gikapungtan ko ang pagkamapahitas-on sa mga kaliwat ni Jacob, ug gikasilagan ko ang lig-ong mga bahin sa ilang lungsod. Busa itugyan ko sa kaaway ang ilang lungsod ug ang tanang anaa niini.”

Amos 8:7

Busa nanumpa ang  Ginoo, nga Dios nga gipasigarbo ninyong mga kaliwat ni Jacob, “Dili ko gayod kalimtan ang tanang kadaotan nga inyong gihimo.