3 Juan 1:11 - Ang Pulong sa Dios

¹¹ Hinigugma ko nga Gayo, ayaw sunda ang daotan nga gibuhat niining tawhana. Sunda ang maayo. Ang nagbuhat ug maayo iya sa Dios, apan ang nagbuhat ug daotan wala makaila sa Dios.

Ang Biblia 2011

¹¹ Hinigugma, ayaw pagsunod sa daotan kondili sa maayo. Siya nga nagbuhat ug maayo iya sa Dios apan siya nga nagbuhat ug daotan, wala gayod makakita sa Dios.

Maayong Balita Biblia

¹¹ Minahal kong higala, ayaw sunda ang daotan kondili ang maayo. Ang nagbuhat sa maayo iya sa Dios ug ang nagbuhat sa daotan wala makakita sa Dios.

Ang Bag-ong Maayong Balita Biblia

¹¹ Minahal kong higala, ayaw sunda ang daotan kondili ang maayo. Ang nagbuhat sa maayo iya sa Dios ug ang nagbuhat sa daotan wala makakita sa Dios.

3 Juan 1:11 Cross References

Salmo 34:14

Likayi ninyo ang daotan ug buhata ang maayo. Tinguhaa gayod ninyo ang pagkinabuhi nga malinawon uban sa inyong isigka-tawo.

Salmo 37:27

Likayi ang kadaotan ug buhata ang maayo, aron makapuyo kamo sa yuta sa Israel hangtod sa kahangtoran.

Exodo 23:2

“Ayaw ninyo sunda ang kadaghanan nga naghimo ug daotan. Kon magsaksi kamo sa korte, ayaw ninyo tuisa ang hustisya aron lang masunod ang kadaghanan.

Mga Panultihon 12:11

Ang kugihan nga mag-uuma adunay abunda nga pagkaon, apan ang walay pagsabot mag-usik-usik sa iyang panahon sa walay kapuslanan.

Juan 10:27

Ang akong mga karnero maminaw kanako. Nakaila ako kanila ug nagsunod sila kanako.

Juan 12:26

Si bisan kinsa nga buot mag-alagad kanako kinahanglan mosunod kanako, aron nga kon asa ako atua usab ang akong sulugoon. Ang tawo nga nag-alagad kanako pasidunggan sa Amahan.”

Juan 3:20

Ang tawo nga daotan ug binuhatan dili gusto sa kahayag. Maglikay pa gani siya sa kahayag kay mahadlok siya nga mabutyag ang iyang daotang binuhatan.

1 Mga Taga-Corinto 11:1

Busa sunda ninyo ako, kay gisunod ko usab si Cristo.

1 Mga Taga-Corinto 4:16

Busa gihangyo ko kamo nga sundon ninyo ang akong gibuhat.

Mga Taga-Efeso 5:1

Tungod kay kamo mga hinigugma nga anak sa Dios, sundoga ninyo siya.

Mga Taga-Filipos 3:17

Mga igsoon, sunda ninyo ang akong pagkinabuhi. Adunay mga tawo nga sama usab kanamo ang ilang pagkinabuhi. Sunda usab ninyo sila.

1 Mga Taga-Tesalonica 1:6

Gisunod ninyo ang pagkinabuhi namo ug sa atong Ginoo, kay gidawat ninyo ang pulong sa Dios bisan pa ug nag-antos kamo. Luyo niining pag-antos, malipayon gihapon kamo kay naghatag kaninyo ug kalipay ang Espiritu Santo.

1 Mga Taga-Tesalonica 2:14

Mga igsoon, ang nahitabo kaninyo sama usab sa nahitabo sa mga iglesia sa Dios nga nagtuo kang Cristo Jesus didto sa Judea. Kon unsa ang inyong pag-antos tungod sa paglutos sa inyong mga katagilungsod, mao usab ang nasinati nila, tungod kay gilutos usab sila sa ilang mga katagilungsod nga Judio.

2 Timoteo 3:10

Apan ikaw Timoteo, nahibaloan mo ang akong mga pagtulon-an, ang akong pamatasan, ug ang akong tumong sa kinabuhi. Naobserbahan mo usab ang akong pagtuo sa Dios, ang akong pagpailob ug paghigugma, ug kon giunsa ko pag-antos ang mga kalisdanan.

Mga Hebreo 6:12

Dili kamo magtinapolan, kondili sunda hinuon ninyo ang panig-ingnan sa mga tawo nga pinaagi sa ilang pagtuo ug pagkamainantuson nagdawat sa mga saad sa Dios.

1 Pedro 3:11

Kinahanglan biyaan niya ang daotan, ug magbuhat siya ug maayo. Paningkamotan niya nga mahimong malinawon kanunay ang iyang pagpakig-uban sa iyang isigka-tawo.

1 Pedro 3:13

Kinsa bay mopasipala kaninyo kon gusto gayod ninyo magbuhat kanunay ug maayo?

1 Juan 2:29

Nahibaloan ninyo nga si Cristo matarong, busa makasiguro gayod kamo nga ang tanang mga tawo nga nagbuhat ug matarong mga anak sa Dios.

1 Juan 3:10

Sa ingon niini maila kon kinsa gayod ang mga anak sa Dios ug kon kinsa ang mga anak sa Yawa: ang tawo nga wala nagbuhat ug matarong o wala naghigugma sa iyang igsoon dili anak sa Dios.

1 Juan 4:1

Mga hinigugma, ayaw kamo pagtuo dayon sa mga tawo nga moingon nga ang ilang gitudlo gikan sa Espiritu Santo, kondili susiha una ninyo kon tinuod ba nga ang ilang gitudlo gikan gayod sa Dios. Kay daghan nang mga mini nga propeta ang midagsang sa kalibotan.