2 Timoteo 4:4 - Ang Pulong sa Dios

⁴ Dili na sila maminaw sa kamatuoran, kondili sa mga pagtulon-an nga tinumotumo lang.

Ang Biblia 2011

⁴ ug ang ilang mga dalunggan ilang ilingiw gikan sa kamatuoran ug iliso ngadto sa tinumotumo nga mga sugilanon.

Maayong Balita Biblia

⁴ Dili na sila mamati sa kamatuoran kondili sa mga tinumotumo nga mga sugilanon.

Ang Bag-ong Maayong Balita Biblia

⁴ Dili na sila mamati sa kamatuoran kondili sa mga tinumotumo nga mga sugilanon.

2 Timoteo 4:4 Cross References

Mga Panultihon 1:32

Kay ang pagkamalapason sa mga walay kahibalo maoy mopatay kanila, ug ang kawalay pagpakabana sa mga buang-buang maoy molaglag kanila.

Isaias 30:10

Nag-ingon sila sa mga propeta, ‘Ayaw na ninyo kami suginli sa mga gipadayag sa Dios kaninyo. Ayaw na ninyo kami suginli kon unsay husto. Suginli kami sa mga butang nga makapalipay kanamo ug mga panan-awon nga tinumotumo.

Zacarias 7:11

“Apan wala gayod sila magtagad sa akong giingon. Nagmagahi sila ug wala sila mamati.

Mateo 13:15

Tungod kay gahig ulo kining mga tawhana. Gisampongan nila ang ilang mga dalunggan, ug gipiyong nila ang ilang mga mata. Kay basin makakita sila ug makadungog, ug makasabot ug moduol kanako, ug ayohon ko sila.’

Mga Buhat 7:57

Misinggit ang mga miyembro sa Korte ug gitabonan nila ang ilang mga dalunggan aron dili nila madungog ang gisulti ni Esteban. Ug nagdungan sila sa paghasmag kaniya.

2 Mga Taga-Tesalonica 2:11

Tungod niini gipasagdan sa Dios nga malimbongan sila aron nga motuo sila sa bakak,

1 Timoteo 1:4

Ingna sila nga dili sila mag-usik sa ilang panahon diha sa mga tinumo-tumong sugilanon sa mga katigulangan ug sa pagsubay kon kinsa ang ilang mga kagikan. Mao kini ang hinungdan kon nganong naglantugi ang mga tawo, ug dili kini makatabang sa paghibalo sa plano sa Dios. Kini masayran lang nato pinaagi sa pagtuo.

1 Timoteo 4:7

Apan likayi ang mga pagtulon-an nga wala maggikan sa Dios kay kana binuhat-buhat lang sa mga tawo. Bansaya ang imong kaugalingon sa diosnon nga pagkinabuhi.

1 Timoteo 6:20

Timoteo, ampingi ang mga pagtulon-an nga gitugyan kanimo sa Dios. Likayi ang mga pagtulon-an nga walay pulos ug wala maggikan sa Dios, bisan ang mga panaglalis mahitungod sa giingon sa uban nga kaalam apan dili tinuod.

2 Timoteo 1:15

Nasayod ka nga halos tanang mga tumutuo sa probinsya sa Asia misalikway kanako, lakip si Figelo ug si Hermogenes.

Tito 1:14

ug aron dili na sila motagad sa mga tinumotumo nga pagtulon-an sa mga Judio ug sa mga sugo nga binuhat lang sa mga tawo nga nagsalikway sa kamatuoran.

Mga Hebreo 13:25

Hinaut nga ang grasya sa Dios mag-uban kaninyo.

2 Pedro 1:16

Ang among gisulti kaninyo bahin sa gahom sa atong Ginoong Jesu-Cristo sa dihang dinhi pa siya sa kalibotan dili tinumotumo lang nga mga sugilanon, kondili nasaksihan gayod namo ang iyang gahom nga gikan sa Dios.