2 Mga Hari 4:2 - Ang Pulong sa Dios

² Miingon si Eliseo kaniya, “Unsa may ikatabang ko kanimo? Sultihi ako, unsay anaa sa imong balay?” Mitubag ang babaye, “Wala gayod, sir, gawas lang sa usa ka gamayng tibod nga lana.”

Ang Biblia 2011

² Ug si Eliseo miingon kaniya, “Unsay buhaton nako alang kanimo? Suginli ako, unsay anaa kanimo sa balay?” Ug siya miingon, “Ang imong sulugoon walay bisan unsa didto sa balay, gawas sa usa ka tibod nga lana.”

Maayong Balita Biblia

² Si Eliseo miingon kaniya, “Unsa may mahimo ko alang kanimo? Unsa may butang nimo didto sa balay?” Ug siya miingon, “Wala, gawas sa usa ka gamayng tibod nga lana.”

Ang Bag-ong Maayong Balita Biblia

² Si Eliseo miingon kaniya, “Unsa may mahimo ko alang kanimo? Unsa may butang nimo didto sa balay?” Ug siya miingon, “Wala, gawas sa usa ka gamayng tibod nga lana.”

2 Mga Hari 4:2 Cross References

1 Mga Hari 17:12

Miingon ang biyuda, “Sultihan ka nako sa tinuod atubangan sa buhi nga Ginoo, nga imong Dios, nga wala na akoy pan. Anaay nahibilin nga usa ka kumkom nga harina ug diotayng lana. Nangahoy ako ug mopauli aron lutuon ang nahibilin nga harina alang kanako ug sa akong anak, ug pagkahuman niini mangamatay na kami sa kagutom.”

2 Mga Hari 2:9

Sa dihang nakatabok na sila, miingon si Elias kang Eliseo, “Unsay gusto mo nga akong buhaton alang kanimo sa dili pa ako kuhaon gikan kanimo?” Mitubag si Eliseo, “Hinaut nga madawat ko ang duha ka pilo sa imong gahom.”

2 Mga Hari 4:3

Miingon si Eliseo, “Adtoi ang tanan mong mga silingan ug panghulam ug daghang mga sudlanan.

Exodo 4:2

Miingon ang Ginoo kaniya, “Unsa kanang imong gigunitan?” Mitubag si Moises, “Baston.”

Mateo 15:34

Nangutana si Jesus kanila, “Pila kabuok ang inyong pan diha?” Mitubag sila, “Pito ka pan ug pipila lang ka gagmayng isda.”

Mga Buhat 3:6

Apan miingon si Pedro kaniya, “Wala gayod akoy kuwarta. Apan naa akoy ihatag kanimo: Sa ngalan ni Jesu-Cristo nga taga-Nazaret, lakaw!”

2 Mga Taga-Corinto 6:10

Adunay mga gihimo kanamo aron maguol kami apan sa gihapon malipayon kami. Kabos lang kami, apan daghan ang mga tawo nga among gipadato. Kon mahitungod sa mga butang dinhi sa kalibotan, wala kamiy matawag nga amoa, apan ang tinuod, kami ang tag-iya sa tanan.

Santiago 2:5

Paminaw kamong mga hinigugma ko nga mga kaigsoonan! Gipili sa Dios ang mga kabos dinhi sa kalibotan aron maadunahan sila sa pagtuo ug mahimong manununod sa gingharian nga iyang gisaad sa mga nahigugma kaniya.