2 Mga Hari 3:13 - Ang Pulong sa Dios

¹³ Miingon si Eliseo sa hari sa Israel, “Unsay akong labot kanimo? Adto sa mga propeta sa imong amahan ug inahan.” Miingon ang hari sa Israel, “Dili! Kay ang Ginoo mao ang nagdala kanamong tulo dinhi aron itugyan ngadto sa hari sa Moab.”

Ang Biblia 2011

¹³ Si Eliseo miingon sa hari sa Israel, “Unsay labot nako kanimo? Lakaw ngadto sa mga propeta sa imong amahan ug ngadto sa mga propeta sa imong inahan.” Apan ang hari sa Israel miingon kaniya, “Dili, kay ang Ginoo mao ang nagtawag niining tulo ka hari aron sila itugyan ngadto sa kamot sa Moab.”

Maayong Balita Biblia

¹³ Si Eliseo miingon sa hari sa Israel, “Nganong tabangan ko man kamo? Adto pakitabang sa mga propeta sa imong amahan ug sa imong inahan.” Apan ang hari sa Israel nga si Joram miingon kaniya, “Ang Ginoo mao ang nagtugyan kanamong tulo ka hari ngadto sa hari sa Moab.”

Ang Bag-ong Maayong Balita Biblia

¹³ Si Eliseo miingon sa hari sa Israel, “Nganong tabangan ko man kamo? Adto pakitabang sa mga propeta sa imong amahan ug sa imong inahan.” Apan ang hari sa Israel nga si Joram miingon kaniya, “Ang Ginoo mao ang nagtugyan kanamong tulo ka hari ngadto sa hari sa Moab.”

2 Mga Hari 3:13 Cross References

1 Mga Hari 17:18

Miingon ang babaye kang Elias, “Unsay sala nga nahimo ko kanimo, alagad sa Dios? Mianhi ka ba dinhi sa pagpatay sa akong anak ingon nga silot sa akong mga sala?”

1 Mga Hari 18:19

Karon, tigoma didto sa Bukid sa Carmel ang tanang katawhan sa Israel. Ug paadtoa usab ang 450 ka mga propeta ni Baal ug ang 400 ka mga propeta ni Ashera, nga ginapakaon ni Jezebel.”

1 Mga Hari 22:6

Busa gipatawag ni Ahab ang mga propeta, mga 400 silang tanan ug gipangutana, “Molakaw ba ako sa pagpakig-gira sa Ramot Gilead o dili?” Mitubag sila, “Lakaw, kay hatagan ka sa Ginoo ug kadaogan!”

2 Mga Hari 3:10

Miingon ang hari sa Israel, “Alaot gayod kitang tulo ka hari! Gidala kita sa Ginoo dinhi aron itugyan ngadto sa hari sa Moab.”

2 Mga Hari 3:12

Miingon si Jehosafat, “Mosulti ang Ginoo pinaagi kaniya.” Busa nangadto ang hari sa Israel, Juda, ug Edom kang Eliseo.

Mga Panultihon 1:28

“Unya manawag kamo kanako, apan dili ko kamo panumbalingon. Mangita kamo kanako, apan dili ninyo ako makit-an.

Jeremias 37:19

Hain na man ang inyong mga propeta nga nanagna nga dili ka o kining siyudad sulongon sa hari sa Babilonia?

Oseas 6:1

Nag-ingnanay ang mga Israelinhon, “Dali, mamalik na kita sa Ginoo. Siya ang nagkunis-kunis kanato apan siya usab ang moayo kanato. Siya ang nagsamad kanato apan siya usab ang mobendahi sa atong samad.

Mateo 8:29

Sa pagkakita nila kang Jesus misinggit sila, “Ikaw nga Anak sa Dios, unsay imong labot kanamo? Mianhi ka ba dinhi aron silotan kami bisag dili pa panahon?”

Juan 2:4

Mitubag si Jesus, “Ayaw ako sultihi kon unsa ang angay kong buhaton. Wala pa moabot ang akong panahon.”

2 Mga Taga-Corinto 5:16

Busa karon, dili na kami maghukom sa tawo pinaagi sa tawhanong basihanan. Kaniadto nanghukom kami kang Cristo pinaagi sa tawhanong basihanan apan karon dili na.

2 Mga Taga-Corinto 6:15

Ug maingon nga si Cristo ug si Satanas dili magkauyon, ang tumutuo ug ang dili tumutuo dili usab magkauyon.

Mga Maghuhukom 10:14

Lakaw kamo ug pagpakitabang sa mga dios nga inyong gipili nga simbahon. Sila ang paluwasa kaninyo sa panahon sa inyong kalisod.”

Ruth 1:15

Miingon si Noemi, “Tan-awa ang imong bilas, mibalik na siya sa iyang mga katagilungsod ug sa iyang dios, busa uli na uban kaniya.”