2 Mga Hari 3:1 - Ang Pulong sa Dios

¹ Nahimong hari sa Israel si Joram nga anak ni Ahab sa ika-18 nga tuig sa paghari ni Jehosafat sa Juda. Sa Samaria siya nagpuyo, ug naghari siya sulod sa 12 ka tuig.

Ang Biblia 2011

¹ Sa ikanapulo ug walo nga tuig ni Jehosafat nga hari sa Juda, si Jehoram nga anak ni Ahab nahimong hari sa Israel didto sa Samaria, ug siya naghari sulod sa napulo ug duha ka tuig.

Maayong Balita Biblia

¹ Sa ika-18 nga tuig sa paghari ni Josafat sa Juda, si Joram nga anak ni Ahab nahimong hari sa Israel. Didto siya mipuyo sa Samaria ug naghari sa sulod sa 12 ka tuig.

Ang Bag-ong Maayong Balita Biblia

¹ Sa ika-18 nga tuig sa paghari ni Josafat sa Juda, si Joram nga anak ni Ahab nahimong hari sa Israel. Didto siya mipuyo sa Samaria ug naghari sa sulod sa 12 ka tuig.

2 Mga Hari 3:1 Cross References

1 Mga Hari 22:51

Nahimong hari sa Israel si Ahazia nga anak ni Ahab sa ika-17 nga tuig sa paghari ni Jehosafat sa Juda. Sa Samaria siya nagpuyo, ug naghari siya sulod sa duha ka tuig.

2 Mga Hari 1:17

Busa namatay si Ahazia sumala sa giingon sa Ginoo pinaagi kang Elias. Tungod kay wala siyay anak nga lalaki, si Joram nga iyang igsoon mao ang mipuli kaniya ingon nga hari. Naghari si Joram sa ikaduhang tuig sa paghari ni Jehoram nga anak ni Jehosafat nga hari sa Juda.

2 Mga Hari 3:9

Busa nanglakaw ang hari sa Israel ug ang hari sa Juda, apil ang hari sa Edom. Sa ilang pagpanglakaw sulod sa pito ka adlaw, nahutdan ug tubig ang mga sundalo ug ang ilang mga mananap.

2 Mga Hari 8:16

Nahimong hari sa Juda si Jehoram nga anak ni Jehosafat sa ikalimang tuig sa paghari ni Joram, nga anak ni Ahab, sa Israel.

2 Cronicas 22:5

Gisunod niya ang ilang tambag nga makig-abin kang Joram nga anak ni Ahab nga hari sa Israel, ug miuban siya kang Joram sa pagpakig-gira kang Hazael nga hari sa Aram. Naggira sila sa Ramot Gilead, ug nasamdan si Joram.