2 Mga Hari 23:2 - Ang Pulong sa Dios

² Miadto siya sa Templo sa Ginoo uban ang tanang katawhan sa Jerusalem ug sa Juda, gikan sa labing dungganon hangtod sa labing ubos. Nanguban usab ang mga pari ug mga propeta. Gibasa ni Haring Josia ngadto kanila ang tanang nasulat sa Libro sa Kasabotan, nga nakit-an didto sa Templo sa Ginoo.

Ang Biblia 2011

² Ug ang hari miadto sa balay sa Ginoo, ug uban kaniya ang tanang mga tawo sa Juda ug ang tanan nga nagpuyo sa Jerusalem ug ang mga pari ug ang mga propeta ug ang tibuok katawhan, inila ug dili inila, ug iyang gibasa sa ilang atubangan ang tanang mga pulong sa basahon sa kasabotan nga nakita didto sa balay sa Ginoo.

Maayong Balita Biblia

² Ug miadto ang hari sa Templo sa Ginoo kinuyogan sa tanang tawo sa Juda ug sa mga nagpuyo sa Jerusalem ingon man sa mga propeta ug mga pari. Ang tanan gayong mga tawo, inila ug dili inila, mikuyog kaniya ug gibasa niya sa ilang atubangan ang nahisulat sa basahon sa kasabotan nga nakaplagan didto sa Templo.

Ang Bag-ong Maayong Balita Biblia

² Ug miadto ang hari sa Templo sa Ginoo kinuyogan sa tanang tawo sa Juda ug sa mga nagpuyo sa Jerusalem ingon man sa mga propeta ug mga pari. Ang tanan gayong mga tawo, inila ug dili inila, mikuyog kaniya ug gibasa niya sa ilang atubangan ang nahisulat sa basahon sa kasabotan nga nakaplagan didto sa Templo.

2 Mga Hari 23:2 Cross References

Genesis 19:11

Unya gibutahan nila ang mga tawo sa gawas aron dili na sila makatultol sa pultahan.

1 Mga Hari 8:9

Walay laing sulod ang Sudlanan gawas sa duha ka lagpad nga mga bato nga gibutang ni Moises sa didto pa siya sa Horeb, diin naghimo ang Ginoo ug kasabotan sa mga Israelinhon sa dihang migawas sila gikan sa Ehipto.

2 Mga Hari 22:8

Miingon si Hilkia nga pangulong pari kang Shafan nga sekretaryo, “Nakita ko ang Libro sa Kasugoan didto sa Templo sa Ginoo.” Gihatag ni Hilkia ang libro kang Shafan ug gibasa niya kini.

2 Cronicas 15:13

Si bisan kinsa nga dili modangop sa Ginoo, nga Dios sa Israel, patyon, bata man o tigulang, lalaki man o babaye.

2 Cronicas 17:9

Gidala nila ang Libro sa Kasugoan sa Ginoo ug milibot sila sa tanang mga lungsod sa Juda ug nanudlo sa mga tawo.

Nehemias 13:1

Sa dihang gibasa ang Libro ni Moises niadtong adlawa, nakita nila nga wala gayod itugot nga moipon ang mga Amonihanon o Moabihanon sa katilingban sa Dios,

Nehemias 9:3

Nagpabilin sila sa pagtindog sulod sa tulo ka oras samtang gibasa kanila ang Kasugoan sa Ginoo nga ilang Dios. Ug nagpadayon pa sila ug tindog sa tulo ka oras nga nagsulti sa ilang mga sala ug nagsimba sa Ginoo nga ilang Dios.

Ester 1:5

Pagkahuman niadto, nagpakombira na usab ang hari alang sa tanang mga lumulupyo sa pinarilan nga lungsod sa Susa gikan sa labing halangdon ngadto sa pinakaubos. Gihimo kini nga kombira sa hardin sa palasyo sa hari sulod sa pito ka adlaw.

Job 3:19

Ang tanang klasi sa tawo atua didto, dungganon man o dili. Ug ang mga ulipon gawasnon na gikan sa ilang mga agalon.

Salmo 115:13

Panalanginan niya ang tanang nagtahod kaniya, inila man o dili.

Jeremias 34:8

Adunay gisulti ang  Ginoo kang Jeremias human maghimo ug kasabotan si Haring Zedekia uban sa tanang katawhan sa Jerusalem nga hatagan nilag kagawasan ang mga ulipon.

Mga Buhat 26:22

Apan gitabangan ako sa Dios hangtod karong adlawa. Busa ania ako dinhi aron isulti sa tanan, sa mga inila man o dili, ang gisulti kaniadto sa mga propeta ug ni Moises nga manghitabo:

Deuteronomio 31:26

“Kuhaa ninyo kining Libro sa Kasugoan ug ibutang sa tapad sa Sudlanan sa Kasabotan sa Ginoo nga inyong Dios. Magpabilin kini didto ingon nga saksi batok sa katawhan sa Israel.

Gipadayag 20:12

Nakita ko usab ang mga nangamatay, inila man o dili, nga nagtindog sa atubangan sa trono. Gipang-ablihan ang mga libro, lakip ang libro nga gilistahan sa mga nakaangkon ug kinabuhi nga walay kataposan. Gihukman ang mga patay sumala sa ilang mga binuhatan nga nasulat didto sa maong mga libro.

1 Samuel 30:2

ug gipangbihag ang mga babaye ug mga kabataan niadto nga lungsod. Wala nila sila pangpatya kondili gipangbihag lang nila.

1 Samuel 5:9

Apan sa dihang miabot na kini didto, gisilotan usab sa Ginoo ang mga katawhan niadtong lungsora. Nangalisang sila pag-ayo kay gipatuboan usab sila sa Ginoo ug mga tumor, bata man o tigulang.