2 Mga Hari 2:16 - Ang Pulong sa Dios

¹⁶ Miingon sila, “Kami nga imong mga alagad adunay 50 ka mga tawo nga adunay abilidad. Kon gusto mo, atong ipapangita kanila ang imong agalon. Basin ug gidala lang siya sa Espiritu sa Ginoo sa usa ka bukid o sa usa ka patag.” Mitubag si Eliseo, “Ayaw sila palakwa.”

Ang Biblia 2011

¹⁶ Ug sila miingon kaniya, “Tan-awa karon, ania sa imong mga sulugoon ang 50 ka kusgan nga mga tawo. Palakta sila, kami naghangyo kanimo, ug ipapangita ang imong agalon, tingali ug ang Espiritu sa Ginoo mikuha kaniya ug gibutang siya sa kabukiran o sa kapatagan.” Ug siya miingon, “Ayaw sila ipadala.”

Maayong Balita Biblia

¹⁶ Miingon sila kaniya, “Ania kaming 50 ka tawo nga pulos himsog. Pangitaon namo ang imong agalon kay tingalig gidala siya sa espiritu sa Ginoo ug gibutang sa usa ka bukid o sa kapatagan ba hinuon.” Ug siya miingon, “Ayaw kana buhata.”

Ang Bag-ong Maayong Balita Biblia

¹⁶ Miingon sila kaniya, “Ania kaming 50 ka tawo nga pulos himsog. Pangitaon namo ang imong agalon kay tingalig gidala siya sa espiritu sa Ginoo ug gibutang sa usa ka bukid o sa kapatagan ba hinuon.” Ug siya miingon, “Ayaw kana buhata.”

2 Mga Hari 2:16 Cross References

1 Mga Hari 18:12

Unsa man unyay mahitabo kon sa akong pagbiya dad-on ka sa Espiritu sa Ginoo sa dapit nga wala ko mahibaloi, ug pag-abot ni Ahab wala ka dinhi? Patyon gayod niya ako. Sir, nag-alagad na ako sa Ginoo sukad sa batan-on pa ako.

2 Mga Hari 2:7

Adunay 50 ka tawo nga miyembro sa grupo sa mga propeta nga nangadto ug nanindog sa dapit nga dili kaayo layo sa gitindogan ni Elias ug ni Eliseo sa may Suba sa Jordan.

Ezequiel 11:24

Unya nakita ko sa panan-awon nga gihatag kanako sa Espiritu sa Dios nga gibayaw niya ako ug gidala balik ngadto sa mga binihag sa Babilonia. Ug unya nahanaw ang panan-awon nga akong nakita.

Ezequiel 3:14

Gialsa ako sa Espiritu ug gidala palayo. Naglain ang akong buot ug naglagot, apan gipugngan ako sa Ginoo.

Ezequiel 8:3

Gituy-od niya ang daw kamot ug gikuptan ako sa buhok. Gialsa ako sa Espiritu ngadto sa kahanginan ug gidala sa Jerusalem, sa pultahan sa amihan nga bahin sa hawanan nga anaa lang sa gawas sa Templo, diin nahimutang ang usa ka dios-dios nga nakapasuko pag-ayo sa Dios.

Mga Buhat 8:39

Paghaw-as nila gikan sa tubig, ang Espiritu sa Ginoo kalit lang nga mikuha kang Felipe. Wala na siya makit-i sa opisyal, apan malipayon gayod ang opisyal samtang nagpadayon siya sa pagpauli.