2 Mga Hari 18:3 - Ang Pulong sa Dios

³ Gihimo ni Ezequias ang maayo atubangan sa Ginoo, sama sa gihimo sa iyang katigulangan nga si David.

Ang Biblia 2011

³ Gibuhat niya ang matarong diha sa mga mata sa Ginoo sumala sa tanan nga gibuhat sa iyang amahan nga si David.

Maayong Balita Biblia

³ Matarong siyag binuhatan atubangan sa Ginoo sama sa gibuhat ni David nga iyang kagikan.

Ang Bag-ong Maayong Balita Biblia

³ Matarong siyag binuhatan atubangan sa Ginoo sama sa gibuhat ni David nga iyang kagikan.

2 Mga Hari 18:3 Cross References

1 Mga Hari 11:38

Kon tumanon mo ang tanang isugo ko kanimo ug mosunod ka sa akong mga pamaagi, ug kon buhaton mo ang maayo sa akong panan-aw pinaagi sa pagtuman sa akong mga tulomanon ug mga sugo sama sa gihimo ni David nga akong alagad, mag-uban ako kanimo. Magpabilin sa paghari ang imong mga kaliwat sama sa mga kaliwat ni David, ug ihatag ko kanimo ang Israel.

1 Mga Hari 11:4

Sa natigulang na siya nadala siya sa iyang mga asawa sa pagsimba sa ubang mga dios. Nawala na ang iyang maayo nga relasyon sa Ginoo nga iyang Dios; dili sama sa iyang amahan nga si David.

1 Mga Hari 15:11

Gihimo ni Asa ang maayo atubangan sa Ginoo, sama kang David nga iyang katigulangan.

1 Mga Hari 15:5

Kay gihimo ni David ang matarong atubangan sa Ginoo, ug samtang buhi siya wala niya lapasa ang mga sugo sa Ginoo, gawas lang sa gihimo niya ngadto kang Uria nga Hitihanon.

1 Mga Hari 3:14

Ug kon mosunod ka lang sa akong mga pamaagi ug motuman sa akong mga tulomanon ug mga sugo sama sa gihimo sa imong amahan nga si David, hatagan ka nako ug taas nga kinabuhi.”

2 Mga Hari 12:3

Apan wala niya ipaguba ang mga simbahanan diha sa habog nga mga dapit, busa nagpadayon ang mga tawo sa paghalad sa mga halad ug sa pagsunog sa mga insenso didto.

2 Mga Hari 14:3

Gihimo ni Amazia ang maayo atubangan sa Ginoo, apan dili gayod sama sa gihimo ni David nga iyang katigulangan. Gisunod niya ang iyang amahan nga si Joas.

2 Mga Hari 20:3

Miingon siya, “Ginoo, hinumdomi nga nagkinabuhi ako nga matinumanon kanimo ug nag-alagad sa kinasing-kasing, ug gibuhat ko ang tanan nga makalipay kanimo.” Ug mihilak siya ug kusog.

2 Mga Hari 22:2

Gihimo niya ang maayo atubangan sa Ginoo ug misunod sa gibuhat sa iyang katigulangan nga si David. Gibuhat gayod niya ang husto.

2 Cronicas 29:2

Gihimo ni Ezequias ang maayo atubangan sa Ginoo, sama sa gihimo ni David nga iyang katigulangan.

Job 33:27

Unya mosulti siya sa mga tawo, ‘Nakasala ako, ug naghimog dili maayo, apan wala ko madawat ang silot nga angay unta kanako.

Salmo 119:128

ug tungod kay gisunod ko ang tanan mong mga tulomanon, gikapungtan ko ang tanang daotang buhat.

Exodo 15:26

“Kon mosunod kamo pag-ayo kanako, ang Ginoo nga inyong Dios, ug maghimo ug maayo sa akong atubangan ug motuman sa akong mga sugo ug mga tulomanon, dili ko ipadala kaninyo ang mga sakit nga gipadala ko sa mga Ehiptohanon, kondili kanunay ko kamo ayohon.”

Isaias 38:3

Ingon niya, “Ginoo, hinumdomi kon giunsa ko pagkinabuhi nga matinumanon kanimo ug sa pag-alagad nga kinasing-kasing gayod, ug kon giunsa ko paghimo ang maayo sa imong atubangan.” Ug midanguyngoy.

Roma 7:12

Ang Kasugoan balaan, ug ang tanang mga sugo niini balaan, matarong, ug maayo.

Mga Taga-Efeso 6:1

Kamong mga anak, tumana ninyo ang inyong mga ginikanan, kay mao kini ang angay nga buhaton.

Deuteronomio 10:12

“Ug karon, katawhan sa Israel, ang gipangayo lang kaninyo sa Ginoo nga inyong Dios mao nga motahod kamo kaniya, magkinabuhi subay sa iyang pamaagi, mahigugma kaniya, mag-alagad kaniya sa tibuok ninyong kasing-kasing ug kalag,

Deuteronomio 6:18

Himoa ninyo ang husto ug ang maayo atubangan sa Ginoo aron mahimong maayo ang inyong kahimtang ug mapanag-iyahan ninyo ang maayong yuta nga iyang gisaad sa inyong mga katigulangan.