2 Mga Hari 17:9 - Ang Pulong sa Dios

⁹ Naghimo sila sa tago sa mga butang nga supak sa Ginoo nga ilang Dios. Naghimo usab sila ug mga simbahanan diha sa habog nga mga dapit sa Israel, gikan sa gagmayng mga baryo ngadto sa dagkong mga pinarilan nga lungsod.

Ang Biblia 2011

⁹ Ang katawhan sa Israel tago nga naghimo sa mga butang nga dili matarong batok sa Ginoo nga ilang Dios. Nagtukod sila alang kanila ug mga habog nga dapit sa tanan nilang mga siyudad, gikan sa tore ngadto sa mga siyudad nga kinutaan.

Maayong Balita Biblia

⁹ Ang katawhan nagbudhi sa Ginoo nga ilang Dios pinaagi sa pagbuhat ug daotan. Nagbuhat silag mga halaran sa mga diosdios sa tanan nilang kalungsoran, sa mga tore ug sa mga siyudad nga kinutaan.

Ang Bag-ong Maayong Balita Biblia

⁹ Ang katawhan nagbudhi sa Ginoo nga ilang Dios pinaagi sa pagbuhat ug daotan. Nagbuhat silag mga halaran sa mga diosdios sa tanan nilang kalungsoran, sa mga tore ug sa mga siyudad nga kinutaan.

2 Mga Hari 17:9 Cross References

2 Mga Hari 18:8

Gipildi niya ang mga Filistihanon hangtod sa Gaza ug sa mga dapit nga sakop niini nga gikan sa gagmayng mga baryo ngadto sa dagkong mga pinarilan nga lungsod.

Job 31:27

Ug wala matintal sa tago ang akong kasing-kasing sa pagsimba niini.

Salmo 78:58

Gipapangabugho ug gipalagot nila ang Dios tungod sa ilang mga simbahanan diha sa habog nga mga dapit ug sa ilang mga dios-dios.

Isaias 29:15

Alaot kamong naningkamot sa pagtago sa inyong mga plano gikan sa Ginoo. Naghimo kamo sa inyong mga buluhaton diha sa kangitngit ug nag-ingon, “Walay makakita o makahibalo sa atong gihimo.”

Ezequiel 20:28

Kay sa dihang gidala ko sila sa yuta nga akong gisaad nga ihatag kanila, naghalad silag mga halad, mga insenso, ug mga ilimnon didto sa matag taas nga bungtod ug sa matag labong nga kahoy nga ilang makita. Busa nasuko ako pag-ayo kanila.

Ezequiel 8:12

Unya miingon ang Dios kanako, “Tawo, nakita mo ba kon unsa ang ginahimo sa tago sa mga tigdumala sa Israel? Ang matag-usa kanila anaa sa kuwarto sa iyang dios-dios kay nag-ingon sila, ‘Wala magtan-aw kanato ang  Ginoo; gisalikway na niya ang Israel.’ ”

Oseas 12:11

Apan ang mga katawhan sa Gilead mga daotan ug wala gayoy pulos, ug ang mga katawhan sa Gilgal gahalad ug mga torong baka ngadto sa mga dios-dios. Sigurado gayod nga mangaguba ang ilang mga halaran ug mahisama kini sa tinapok nga mga bato nga nakuha gikan sa dinaro nga yuta.

Deuteronomio 13:6

“Kon pananglit ang imong igsoon o anak o ang imong pinalanggang asawa o ang imong labing suod nga higala modani kanimo sa sekreto ug moingon, ‘Mosimba kita sa ubang mga dios’ (mga dios nga wala nimo mailhi ug sa imong mga katigulangan,

Deuteronomio 27:15

“Tinunglo ang tawo nga maghimo sa bisan unsa nga mga dios-dios nga hinimo sa bato o bronsi ug mosimba niini sa tago. Kay kining mga dios-dios nga hinimo lang sa tawo gikangil-aran sa Ginoo.” Motubag dayon ang tanang mga tawo, “Amen!”

Deuteronomio 29:25

“Ug ang tubag mao kini: ‘Tungod kay gisalikway niini nga mga katawhan ang kasabotan nga gihimo sa Ginoo kanila, ang Dios sa ilang mga katigulangan, sa dihang gipagawas niya sila gikan sa Ehipto.