2 Mga Hari 16:7 - Ang Pulong sa Dios

⁷ Nagsugo si Ahaz ug mga mensahero sa pagdala niini nga mensahe ngadto kang Tiglat Pileser nga hari sa Asiria: “Imo akong alagad, anhi dinhi ug luwasa ako gikan sa kamot sa hari sa Aram ug sa hari sa Israel nga misulong kanako.”

Ang Biblia 2011

⁷ Busa si Ahas nagpadala ug mga sinugo ngadto kang Tiglat-pileser nga hari sa Asiria nga nag-ingon, “Ako imong sulugoon ug imong anak. Dali ngari ug luwasa ako gikan sa mga kamot sa hari sa Siria ug gikan sa mga kamot sa hari sa Israel nga misulong kanako.”

Maayong Balita Biblia

⁷ Busa si Ahaz nagsugog mga tawo ngadto kang Tiglatpiliser nga hari sa Asiria aron sa pagpahibalo kaniya niining mosunod: “Imo akong alagad busa ngari ug luwasa intawon ako gikan sa gahom sa hari sa Siria ug sa hari sa Israel nga nanulong kanako.”

Ang Bag-ong Maayong Balita Biblia

⁷ Busa si Ahaz nagsugog mga tawo ngadto kang Tiglatpiliser nga hari sa Asiria aron sa pagpahibalo kaniya niining mosunod: “Imo akong alagad busa ngari ug luwasa intawon ako gikan sa gahom sa hari sa Siria ug sa hari sa Israel nga nanulong kanako.”

2 Mga Hari 16:7 Cross References

1 Mga Hari 20:4

Nagpadala ug tubag si Ahab nga hari sa Israel nga nag-ingon, “Sumala sa giingon mo, Mahal nga Hari, imo ako ug ang tanan nga ania kanako.”

2 Mga Hari 15:29

Sa panahon sa paghari ni Peka, gisulong ni Tiglat Pileser nga hari sa Asiria ang Israel, ug nailog niya ang mga lungsod sa Ijon, Abel Bet Maaca, Janoa, Kedesh, ug Hazor. Nailog usab niya ang Gilead, Galilea, ug ang tibuok nga yuta sa Neftali. Unya gidala niya ang mga lumulupyo niini ngadto sa Asiria ingon nga mga bihag.

2 Mga Hari 18:7

Giubanan siya sa Ginoo, ug nagmalampuson siya sa tanan niyang gihimo. Nagrebelde siya batok sa hari sa Asiria ug wala moalagad kaniya.

1 Cronicas 5:26

Busa gisugo sa Dios sa Israel nga sulongon sila ni Pul (gitawag usab ug Tiglat Pileser) nga hari sa Asiria. Gibihag ni Pul ang mga tribo ni Ruben, Gad, ug ang katunga sa tribo ni Manases, ug gidala sa Hala, Habor, Hara, ug sa Suba sa Gozan, diin atua sila hangtod karon.

2 Cronicas 28:16

Niadtong higayona, nangayog tabang si Haring Ahaz sa hari sa Asiria.

2 Cronicas 28:20

Busa sa pag-abot ni Tiglat Pileser nga hari sa Asiria, gilisod-lisod niya si Ahaz imbis nga tabangan.

Isaias 2:6

Tinuod nga gisalikway mo, Ginoo, ang imong katawhan, ang mga kaliwat ni Jacob, kay daghan silag mga tinuohan nga gikan sa sidlakan ug naghimo usab silag mga pagpanagna sama sa mga Filistihanon. Nakig-uyon sila sa mga kinaiya sa mga langyaw.

Jeremias 13:21

Unsa kahay imong bation kon ang mga nasod nga imong gihimong kaabin maoy pagamhon sa Ginoo kanimo? Dili mo kaha bation ang kasakit nga sama sa bation sa babayeng nagbati?

Jeremias 17:5

Miingon pa gayod ang  Ginoo: “Panghimaraoton ko ang tawo nga mobiya kanako ug mosalig sa tawo nga molig-on kaniya.

Mga Pagbangotan 4:17

Nagngitngit na ang among mga panan-aw sa paghulat sa tabang gikan sa among kaabin nga mga nasod, apan wala gayoy miabot. Nagbantay kami sa among mga tore alang sa pag-abot niining mga nasod nga dili makaluwas kanamo.

Ezequiel 16:28

“ ‘Namiga ka usab sa mga taga-Asiria, kay wala ka pa man gayod matagbaw. Ug human niana, wala ka pa gihapon matagbaw.

Ezequiel 23:12

Nag-apas-apas usab siya sa mga taga-Asiria nga mga guwapo ug batan-on nga mga lalaki. Kini sila mga kapitan ug mga komander nga nakauniporme, ug mga mangangabayo pa.

Ezequiel 23:5

“Bisag asawa ko na si Oholah, nagpadayon gihapon siya sa pagbaligya sa iyang dungog, ug nag-apas-apas gayod siya sa iyang mga laki nga taga-Asiria nga duol kaniya.

Oseas 14:3

Dili na kami mangayo ug tabang sa Asiria ug dili na kami mosalig sa mga kabayo nga alang sa gira. Dili na usab namo tawgon nga among dios ang among hinimo. Kay gikaloy-an mo kami nga sama sa mga ilo.”

Oseas 7:11

“Sama sila sa salampati nga dali rang matunto ug walay panabot. Didto hinuon sila sa Ehipto o sa Asiria mangayo ug tabang.