2 Mga Hari 14:9 - Ang Pulong sa Dios

⁹ Apan gitubag siya ni Haring Joas pinaagi niini nga istorya: “Didto sa Lebanon, adunay sampinit nga nagpadala niini nga mensahe ngadto sa kahoyng sedro: ‘Ipaasawa ang imong anak nga babaye sa akong anak nga lalaki.’ Apan adunay miagi nga ihalas nga mananap ug gitunob-tunoban niini ang sampinit.

Ang Biblia 2011

⁹ Ug si Jehoas nga hari sa Israel nagpadala ug mensahe kang Amasias nga hari sa Juda, “Ang sampinit didto sa Lebanon gipadala ngadto sa cedro nga didto sa Lebanon nga nag-ingon, ‘Ipaasawa ang imong anak sa akong anak,’ ug didtoy miagi nga usa ka ihalas nga mananap sa Lebanon ug gitumban ang sampinit.

Maayong Balita Biblia

⁹ Apan ang hari sa Israel midumili niini ug nagtugon sa mga sinugo nga sultihan nila si Amasias niining mosunod: “May sampinit sa Lebanon nga nag-ingon sa usa ka kahoyng sidro sa bukid sa Lebanon, ‘Ipaasawa ang imong anak sa akong anak.’ Apan miagi ang usa ka ihalas nga mananap ug gitunobtunoban niya ang maong sampinit.

Ang Bag-ong Maayong Balita Biblia

⁹ Apan ang hari sa Israel midumili niini ug nagtugon sa mga sinugo nga sultihan nila si Amasias niining mosunod: “May sampinit sa Lebanon nga nag-ingon sa usa ka kahoyng sidro sa bukid sa Lebanon, ‘Ipaasawa ang imong anak sa akong anak.’ Apan miagi ang usa ka ihalas nga mananap ug gitunobtunoban niya ang maong sampinit.

2 Mga Hari 14:9 Cross References

1 Mga Hari 4:33

Makasaysay siya mahitungod sa tanang klasi sa mga tanom, gikan sa dagkong mga kahoy hangtod sa gagmayng mga tanom. Makasaysay usab siya mahitungod sa tanang klasi sa mananap: ang naglakaw, ang nagkamang, ang naglupad, ug ang nagpuyo sa tubig.

2 Cronicas 25:18

Apan gitubag siya ni Haring Joas pinaagi niini nga istorya: “Didto sa Lebanon adunay sampinit nga nagpadala niini nga mensahe ngadto sa kahoyng sedro: ‘Ipaasawa ang imong anak nga babaye sa akong anak nga lalaki.’ Apan adunay miagi nga ihalas nga mananap ug gitunob-tunoban niini ang sampinit.

2 Cronicas 33:11

Busa gipasulong sa Ginoo ang mga komander sa kasundalohan sa Asiria ngadto kanila. Gibihag nila si Manases, gikaw-itan ang iyang ilong, gikadenahan ug bronsi, ug gidala sa Babilonia.

Job 31:18

Apan sukad sa batan-on pa ako giatiman ko na ang mga ilo; sa tibuok kong kinabuhi wala ako magpasagad sa mga biyuda.

Exodo 3:2

Nagpakita kaniya didto ang anghel sa Ginoo sa dagway sa nagdilaab nga kalayo diha sa sampinit. Nakita ni Moises nga nagdilaab ang sampinit apan wala kini masunog.

Mga Panultihon 26:9

Ang panultihon nga gisulti sa mga buang-buang makapasakit sama sa tunokon nga kahoy nga giwara-wara sa hubog.

Awit sa mga Awit 2:2

Kon itandi sa uban nga mga babaye, ang akong pinangga sama sa liryo taliwala sa kasampinitan.

Isaias 34:13

Manubo ang tunokon nga mga tanom sa ilang pinarilan nga mga lungsod ug sa lig-ong mga bahin niini. Ug mamuyo didto ang mga kuwago ug ihalas nga mga iro.

Ezequiel 20:49

Unya miingon ako, “O Ginoong Dios, ang mga tawo nag-ingon nga nagsulti lang ako ug mga sambingay.”

Oseas 9:6

Bisan pag makalingkawas kamo sa kalaglagan, tigomon gihapon kamo sa Ehipto ug ilubong sa Memfis. Matabonan sa sagbot ang inyong mga mahalong kabtangan nga plata ug tuboan sa mga sampinit ang inyong mga tolda.

1 Mga Taga-Corinto 12:15

Kon moingon ang tiil, “Tungod kay ako dili kamot, dili ako bahin sa lawas,” dili kana basihanan nga dili siya kabahin sa lawas.

1 Samuel 13:6

Sa dihang nakita sa mga Israelinhon nga murag makuyaw ang ilang kahimtang, nanago sila sa mga langub, sa mga kalibonan, sa mga kabatoan, sa mga bangag, ug sa mga bangag nga pundohanan ug tubig.