2 Mga Hari 14:1 - Ang Pulong sa Dios

¹ Nahimong hari sa Juda si Amazia nga anak ni Joas sa ikaduhang tuig sa paghari ni Joas, nga anak ni Jehoahaz, sa Israel.

Ang Biblia 2011

¹ Sa ikaduhang tuig ni Joas nga anak ni Joahas nga hari sa Israel, si Amasias nga anak ni Joas, hari sa Juda, nagsugod sa paghari.

Maayong Balita Biblia

¹ Sa ikaduhang tuig sa paghari ni Joas nga anak ni Joacas didto sa Israel, si Amasias nga anak ni Joas misugod paghari sa Juda.

Ang Bag-ong Maayong Balita Biblia

¹ Sa ikaduhang tuig sa paghari ni Joas nga anak ni Joacas didto sa Israel, si Amasias nga anak ni Joas misugod paghari sa Juda.

2 Mga Hari 14:1 Cross References

2 Mga Hari 12:21

Ang mga opisyal nga mipatay kaniya mao sila si Jozacar nga anak ni Shimeat ug si Jehozabad nga anak ni Shomer. Gilubong siya sa lubnganan sa iyang mga katigulangan sa Lungsod ni David. Ug si Amazia nga iyang anak mao ang mipuli kaniya ingon nga hari.

2 Mga Hari 13:10

Nahimong hari sa Israel si Joas nga anak ni Jehoahaz sa ika-37 nga tuig sa paghari ni Joas sa Juda. Sa Samaria siya nagpuyo, ug naghari siya sulod sa 16 ka tuig.

2 Mga Hari 14:15

Ang uban pang sugilanon mahitungod sa paghari ni Joas, ang tanan niyang gihimo ug ang iyang mga kadaogan, apil ang iyang pagpakig-gira kang Amazia nga hari sa Juda, nasulat sa libro sa mga sugilanon bahin sa mga hari sa Israel.

2 Mga Hari 14:17

Nagkinabuhi pa si Amazia nga hari sa Juda ug 15 ka tuig human mamatay si Joas nga hari sa Israel.

2 Mga Hari 14:2

Nag-edad si Amazia ug 25 ka tuig sa dihang nahimo siyang hari. Sa Jerusalem siya nagpuyo, ug naghari siya sulod sa 29 ka tuig. Ang iyang inahan mao si Jehoadan nga taga-Jerusalem.

2 Mga Hari 14:23

Nahimong hari sa Israel si Jeroboam II nga anak ni Joas sa ika-15 nga tuig sa paghari ni Amazia, nga anak ni Joas sa Juda. Sa Samaria siya nagpuyo, ug naghari siya sulod sa 41 ka tuig.

1 Cronicas 3:12

Amazia, Azaria, Jotam,

2 Cronicas 25:25

Nagkinabuhi pa si Amazia nga hari sa Juda ug 15 ka tuig human mamatay si Joas nga hari sa Israel.

2 Cronicas 26:1

Ang gipuli sa katawhan sa Juda kang Amazia ingon nga hari mao ang iyang 16 ka tuig nga anak nga si Uzias.