2 Mga Taga-Corinto 6:2 - Ang Pulong sa Dios

² Kay nag-ingon ang Dios, “Sa husto nga panahon gipatalinghogan ka nako, ug sa panahon sa kaluwasan gitabangan ka nako.” Busa paminaw kamo! Karon gayod ang husto nga panahon nga luwason kita sa Dios.

Ang Biblia 2011

² Kay siya nag-ingon; “Sa panahon nga gikahimut-an ako namati kanimo, ug sa adlaw sa kaluwasan ako mitabang kanimo.” Tan-awa, karon mao ang adlaw nga gikahimut-an; tan-awa, karon mao ang adlaw sa kaluwasan.

Maayong Balita Biblia

² Kay nag-ingon ang Dios, “Gidungog ko kamo sa takna nga akong gikahimut-an, ug gitabangan ko kamo sa adlaw sa kaluwasan.” Mao na kini ang takna sa pagdawat sa kaluoy sa Dios. Karon mao ang adlaw sa kaluwasan!

Ang Bag-ong Maayong Balita Biblia

² Kay nag-ingon ang Dios, “Gidungog ko kamo sa takna nga akong gikahimut-an, ug gitabangan ko kamo sa adlaw sa kaluwasan.” Mao na kini ang takna sa pagdawat sa kaluoy sa Dios. Karon mao ang adlaw sa kaluwasan!

2 Mga Taga-Corinto 6:2 Cross References

Salmo 69:13

Apan nag-ampo ako kanimo, Ginoo. Nanghinaut nga sa panahon nga kaloy-an mo ako, tubagon mo ang akong pag-ampo sumala sa imong dakong gugma kanako. Tungod kay matinumanon ka sa imong saad sa pagluwas,

Isaias 49:8

Mao kini ang giingon sa Ginoo, “Sa hustong panahon nga luwason ka nako, tubagon ug tabangan ka nako. Panalipdan ka nako ug pinaagi kanimo maghimo akog kasabotan tali sa mga tawo. Tukoron mo pag-usab ang yuta sa Israel nga naguba, ug ihatag mo kini pagbalik sa akong katawhan.

Isaias 61:2

Gipadala usab niya ako aron sa pagmantala nga miabot na ang panahon nga luwason sa Ginoo ang iyang katawhan, ug silotan ang ilang mga kaaway. Gipadala usab niya ako aron sa paglipay sa mga nagsubo sa Jerusalem, aron imbis nga abo ang ibutang nila sa ilang ulo sa pagpaila nga nagsubo sila, korona nga bulak ang ilang ibutang, ug haplasan nilag lana ang ilang ulo sa pagpaila nga malipayon sila. Imbis nga maguol, magdayeg sila. Mahisama sila sa lig-on nga kahoyng terebinto nga gitanom sa Ginoo. Tawgon silang mga matarong alang sa kadungganan sa Ginoo.

Ezequiel 16:8

“ ‘Sa pag-agi ko pag-usab duol kanimo, nakita ko nga mahimo ka nang pangasaw-on. Busa gitabonan ko sa akong kupo ang imo nga pagkahubo. Nanumpa ako nga mahalon ka nako. Naghimo ako ug kasabotan kanimo, ug ikaw naako. Ako, ang Ginoong Dios, ang nag-ingon niini.

Lucas 18:37

Gisultihan nila kini nga miagi si Jesus nga taga-Nazaret.

Lucas 4:19

ug sa pagsangyaw sa mga tawo nga karon mao na ang panahon nga sila luwason sa Ginoo.”

Mga Hebreo 3:13

Ang angay ninyong buhaton, magdinasigay kamo matag adlaw samtang aduna pay panahon, aron dili kamo pahisalaagon sa sala nga makapagahi sa inyong kasing-kasing.

Mga Hebreo 3:7

Busa sama sa giingon sa Espiritu Santo: “Kon madunggan ninyo karon ang tingog sa Dios,

Mga Hebreo 4:7

Busa naghatag pa gayod ang Dios ug kahigayonan karon, tungod kay sa paglabay sa daghang mga katuigan nagsulti siya pinaagi kang David, sama sa nahisgotan na: “Kon madunggan ninyo karon ang tingog sa Dios, ayaw pagahia ang inyong mga kasing-kasing.”