2 Mga Taga-Corinto 4:16 - Ang Pulong sa Dios

¹⁶ Mao kana ang hinungdan nga wala kami magmaluya sa pag-alagad sa Dios. Bisan kining among mga lawas gaanam na ug kaluya, ang among espiritu nagpadayon sa paglig-on matag adlaw.

Ang Biblia 2011

¹⁶ Busa kami wala maluya. Ug bisan tuod nagkahugo na ang gawas nga bahin sa among pagkatawo, ang among pagkatawo sa sulod gibag-o sa matag adlaw.

Maayong Balita Biblia

¹⁶ Tungod niini wala gayod kami kawad-ig kadasig. Bisag nag-anam nag kahugo ang among lawas, ang among espiritu gilig-on adlaw-adlaw.

Ang Bag-ong Maayong Balita Biblia

¹⁶ Tungod niini wala gayod kami kawad-ig kadasig. Bisag nag-anam nag kahugo ang among lawas, ang among espiritu gilig-on adlaw-adlaw.

2 Mga Taga-Corinto 4:16 Cross References

Salmo 119:81

Gilaayan na ako ug hinulat nga luwason mo ako, apan nagsalig pa gihapon ako sa imong pulong.

Salmo 27:13

Apan nagtuo ako nga masinati ko ang imong kaayo samtang buhi pa ako.

Salmo 51:10

Himoang hinlo ang akong kasing-kasing, O Dios, ug hatagi ako pag-usab ug matinud-anong espiritu.

Salmo 73:26

Magmaluya man ang akong lawas ug huna-huna, apan ikaw gihapon, O Dios, mao ang akong kusog. Ikaw lang gayod ang akong gikinahanglan hangtod sa kahangtoran.

Isaias 40:29

Gihatagan niyag kusog ang mga maluya ug ang mga gikapoyan.

Isaias 40:31

apan ang mga nagsalig sa Ginoo makaangkon pag-usab ug kusog. Mahisama sila sa naglupad nga agila; kon managan sila dili sila kapoyon; kon manglakaw sila dili sila maluya.

Jeremias 45:3

Kay miingon ka, ‘Makaluluoy ako kay gidugangan sa Ginoo ang akong kasakit. Gikapoy na ako sa pag-agulo ug wala ako makakaplag ug kapahulayan!’

Lucas 11:3

Hatagi kami sa among gikinahanglan nga pagkaon matag adlaw.

Roma 12:2

Ayaw kamo pagsunod sa mga gawi sa mga tawo niining kalibotana. Tugoti ninyo ang Dios nga mobag-o sa inyong huna-huna, aron masayran ninyo ang kabubut-on sa Dios, kon unsa ang maayo, hingpit, ug ang makapahimuot kaniya.

Roma 7:22

Sa akong kinahiladman nalipay ako sa Kasugoan sa Dios,

1 Mga Taga-Corinto 15:58

Busa, mga hinigugma ko nga mga igsoon kang Cristo, pagpakalig-on kamo ug dili gayod matarog sa inyong pagtuo. Pagmakugihon kamo sa buluhaton nga gihatag kaninyo sa Ginoo, kay nasayod kamo nga aduna gayoy kapuslanan ang inyong mga paghago alang sa Ginoo.

2 Mga Taga-Corinto 12:15

Ang tinuod, malipayon pa gani ako kon makahatag ako kaninyo, ug bisan pa ang akong kinabuhi ihatag ko kon gikinahanglan aron makatabang ako kaninyo. Apan ngano ba nga bisan dako ang akong paghigugma kaninyo, gamay lang ang inyong paghigugma kanako?

2 Mga Taga-Corinto 4:1

Tungod sa kaluoy sa Dios gipili niya kami nga magsangyaw niining bag-ong pamaagi nga mahimong matarong ang mga tawo, busa wala kami nagmaluya.

Mga Taga-Efeso 3:16

Makagagahom gayod siya. Busa nag-ampo ako kaniya nga hatagan niya sa gahom ug kusog ang inyong espirituhanong kinabuhi pinaagi sa iyang Espiritu,

Mga Taga-Efeso 4:23

Bag-oha ninyo ang inyong kasing-kasing ug huna-huna.

Mga Taga-Colosas 3:10

Ug karon aduna na kitay bag-o nga kinaiya. Ug kini padayon nga ginabag-o sa Dios nga magbubuhat niini, aron mahisama kita kaniya, ug aron mailhan gayod nato siya.

Tito 3:5

Giluwas niya kita dili tungod sa atong maayong binuhatan, kondili tungod sa iyang kaluoy kanato. Ug gibuhat niya kini pinaagi sa Espiritu Santo nga naghugas sa atong mga sala ug naghatag ug bag-o nga kinabuhi.

1 Pedro 3:4

kondili patahomon ninyo ang sulod sa inyong kasing-kasing, sa maayo nga pamatasan nga dili gayod mausab. Magmalumo kamo ug magbinuotan. Mao kini ang bililhon alang sa Dios.

1 Pedro 4:14

Busa kon pakaulawan kamo tungod kay mga sumusunod kamo ni Cristo, bulahan kamo kay kini nagpasabot nga anaa kaninyo ang makagagahom nga Espiritu, nga mao ang Espiritu sa Dios.