2 Mga Taga-Corinto 4:14 - Ang Pulong sa Dios

¹⁴ Kay nasayran namo nga ang Dios nga nagbanhaw kang Ginoong Jesus mao usab ang magbanhaw kanamo, sama sa iyang pagbanhaw kang Jesus, ug dalhon niya kami uban kaninyo sa iyang atubangan.

Ang Biblia 2011

¹⁴ sa nasayran namo nga ang nagbanhaw sa Ginoong Jesus magbanhaw usab kanamo uban kang Jesus ug magdala kanamo uban kaninyo ngadto sa iyang atubangan.

Maayong Balita Biblia

¹⁴ Kay nasayod kami nga ang Dios nga nagbanhaw sa Ginoong Jesus magbanhaw usab kanamo uban kang Jesus, ug iya kaming dad-on uban kaninyo ngadto sa iyang atubangan.

Ang Bag-ong Maayong Balita Biblia

¹⁴ Kay nasayod kami nga ang Dios nga nagbanhaw sa Ginoong Jesus magbanhaw usab kanamo uban kang Jesus, ug iya kaming dad-on uban kaninyo ngadto sa iyang atubangan.

2 Mga Taga-Corinto 4:14 Cross References

Isaias 26:19

Apan mabanhaw ang imong mga katawhan nga nangamatay. Mobangon ang ilang mga patayng lawas ug mokanta sa kalipay. Maingon nga ang yamog sa kabuntagon nagpabugnaw sa yuta, ikaw Ginoo mabanhaw sa mga patay.

Lucas 21:36

Busa kanunay kamong mangandam ug mag-ampo nga kon mahitabo na kining tanan, adunay kalig-on kamo aron makalingkawas kamo niining panghitabo, ug makaatubang kamo nga dili maulaw sa Anak sa Tawo.”

Mga Buhat 2:24

Apan gibanhaw siya sa Dios ug giluwas gikan sa gahom sa kamatayon, kay ang tinuod, bisan ang kamatayon walay gahom sa pagpugong kaniya.

Mga Buhat 2:32

Ang iyang gipasabot walay lain kondili si Jesus nga gibanhaw sa Dios. Kaming tanan makapamatuod nga nabanhaw siya tungod kay nakita gayod namo siya.

Roma 8:11

Unya, tungod kay ang Espiritu nga nabanhaw kang Jesus anaa kaninyo, siya nga nabanhaw kang Cristo mao usab ang maghatag ug kinabuhi sa inyong mga lawas nga adunay kamatayon. Buhaton niya kini pinaagi sa Espiritu nga nagpuyo diha kaninyo.

1 Mga Taga-Corinto 6:14

Ug sa kaulahian, kining atong lawas banhawon sa Dios pinaagi sa iyang gahom, sama sa gibuhat niya sa atong Ginoo.

2 Mga Taga-Corinto 11:2

Kay gibati ko ang diosnon nga pangabugho kaninyo. Nahisama kamo sa usa ka dalagang putli nga akong gisaad nga ipakasal sa usa ka pamanhonon nga mao si Cristo.

Mga Taga-Efeso 5:27

Gibuhat niya kini aron nga sa iyang atubangan ang iglesia ikapakita nga matahom kaayo, balaan, walay ikasaway ug walay depekto o kunot o bisan unsa pa nga mga apan.

Mga Taga-Colosas 1:22

Apan karon napasig-uli na kamo sa Dios sa iyang kaugalingon pinaagi sa kamatayon sa tawhanong lawas ni Cristo. Karon madala na niya kamo sa iyang presensya nga walay sala, hinlo, ug walay ikasaway.

Mga Taga-Colosas 1:28

Busa gisangyaw namo si Cristo sa tanang katawhan. Gipahimangnoan namo ug gitudloan ang tanan sa kamatuoran aron mahimo namo silang i-atubang sa presensya sa Dios nga hingpit sa ilang pakighiusa kang Cristo.

1 Mga Taga-Tesalonica 4:14

Nagtuo kita nga si Jesus namatay ug nabanhaw. Busa nagtuo usab kita nga mao kini ang mahitabo sa mga nangamatay nga mituo kaniya. Pagbalik dinhi ni Jesus dad-on sila sa Dios uban kaniya.

Santiago 5:15

Ang pag-ampo nga adunay pagtuo mao ang makaayo sa nagsakit. Pabangonon siya sa Ginoo ug pasayloon sa iyang mga sala kon nakasala siya.

Judas 1:24

Ang Dios makahimo sa pagbantay kaninyo aron dili kamo mahulog sa pagpakasala, ug madala niya kamo nga walay ikasaway ug malipayon gayod ngadto sa iyang presensya!